Заўтра ў Беларусі будзе да +34°С
- 17.08.2024, 18:08
- 1,870
![Заўтра ў Беларусі будзе да +34°С](https://i.c97.org/p/articles/ai-154516-aux-head-zhara_360.jpg)
На нядзелю абвясцілі аранжавы ўзровень небяспекі.
На нядзелю, 18 жніўня, у Беларусі абвясцілі аранжавы ўзровень небяспекі, паведамляе Белгідрамет Мінпрыроды.
"Удзень 18 жніўня ў многіх раёнах рэспублікі максімальная тэмпература паветра дасягне +30…34°С, у Менску +30°С", — гаворыцца ў паведамленні.
Са звестак сіноптыкаў, у нядзелю надвор'е ў Беларусі будуць вызначаць атмасферны фронт і няўстойлівая паветраная маса трапічнага паходжання. Чакаецца цёплае надвор'е, уначы месцамі, раніцай і ўдзень на большай частцы тэрыторыі пройдуць кароткачасовыя дажджы.
У асобных раёнах прагрымяць навальніцы. Уначы і раніцай месцамі згусціцца слабы туман. Вецер уначы няўстойлівы слабы, удзень паўднёвы ўмераны, пры навальніцах парывісты, удзень месцамі моцны парывісты.
Атмасферны ціск істотна не зменіцца.