«Унутры Крамля ідзе грызня»
1- 17.08.2024, 18:36
- 13,868
![«Унутры Крамля ідзе грызня»](https://i.c97.org/ai/550067/aux-head-1685455227-20230530_kreml_360.jpeg)
Украіна намацала слабое месца РФ.
Наступ УСУ ў Курскай вобласці выклікаў паніку ў Крамлі і прывёў да нелагічных і неабдуманых дзеянняў Пуціна, распавёў у інтэрв'ю для "Фабрыкі навін" экс-супрацоўнік КДБ і Службы замежнай разведкі Расеі Сяргей Жырноў.
Экс-разведчык з іроніяй выказаўся пра рэакцыю расейцаў на аперацыю ў Курскай вобласці: "Далей пачынаецца цырк абсалютны з конямі, таму што Міністэрства абароны РФ кажа, што мы там «наогул усіх разбілі", а зараз мясцовыя ўлады, і Расгвардыя, і ФСБ няхай разбіраюцца».
Жырноў падзяліўся наяўнай інфармацыяй аб сітуацыі ў РФ: «У Герасімава галоўная задача - вайна ва Украіне, таму, вядома, яму нічога не пагражае, ніякія адстаўкі. Гэта ўсё глупства абсалютнае. Гэта ўсё распаўсюджваюць ФСБ і людзі, якія не разабраліся ў тым, што адбываецца ў Крамлі, гэта значыць у іх зараз грызня ідзе ўнутры Крамля. Гэта таксама вельмі добрая навіна для Украіны, таму што кожны цягне коўдру на сябе і кожны кажа, што "вінаваты сусед, а я не вінаваты".
"У Пуціна таксама ў галаве мешаніна, гэта вар'ятня абсалютная, таму што ён кажа, што ў нас сітуацыя складаная, але нібыта мы ўсё развязваем, уводзім рэжым КТА, а значыць за гэта адказвае ФСБ, але кажа, што галоўная задача кладзецца на ўзброеныя сілы. Гэта не адпавядае нават канстытуцыйнаму статусу ўзброеных сіл, якія ў РФ задзейнічаюцца толькі тады, калі ўзнікае вайсковая пагроза тэрыторыі краіны, а Пуцін кажа, што ў нас тэрарыстычная пагроза, а гэта - ФСБ", - растлумачыў Сяргей Жырноў.
Пасля гэтага дасведчаны выведнік заявіў: "Строга кажучы, для Пуціна самая вялікая небяспека - тое, што Украіна намацала, па-мойму, самае слабое месца і паказала гэтае слабое месца. РФ выбудавала нейкі фронт на Усходзе і лічыла, што ўсе будуць гуляць паводле ейных правіл, гэта значыць усе будуць гуляць на гэтым фронце паводле ейных правіл. Расея сама ж парушыла гэтую парадыгму: яна пачала наступ з Белгародскай вобласці на Харкаў, і гэта дало Украіне магчымасць падумаць аб тым, "а, можа, нам трэба ваяваць не толькі там, дзе прымушае РФ".