Хуткасць, сакрэтнасць і РЭБ: WSJ раскрыў тактыку поспеху УСУ ў Курскай вобласці
2- 17.08.2024, 20:55
- 3,856
![Хуткасць, сакрэтнасць і РЭБ: WSJ раскрыў тактыку поспеху УСУ ў Курскай вобласці](https://i.c97.org/ai/570119/aux-head-1698988226-20231103_zsu_360.jpg)
Украінцы да апошняга трымалі ў сакрэце аперацыю наступу.
Паспяховае ўварванне УСУ ў Курскую вобласць забяспечылі тры фактары – сакрэтнасць, хуткасць і прымяненне РЭБ, піша The Wall Street Journal (пераклад – «Уніан»).
Як піша выданне, падрыхтоўка да аперацыі пачалася ў пачатку гэтага лета, калі Украіна атакавала беспілотнікамі інфраструктуру ў Курску, ад электрасеткі да складоў боепрыпасаў і паліва і абсталявання для назірання. Акрамя таго, праводзіліся рэйды праз мяжу, для пошуку слабых месцаў у расейскай абароне і разведцы. За два тыдні да пачатку аперацыі ўкраінскія беспілотнікі знішчылі расейскія сістэмы назірання на памежным пасту на дарозе ў Курск.
Украіна рыхтавалася да атакі, выводзячы жаўнераў і тэхніку з брыгад па ўсёй краіне, і перадыслакуючы іх у лясы і вёскі паблізу мяжы. Пры гэтым план быў ахутаны такой сакрэтнасцю, што многія з тых, хто павінен быў узяць удзел, не ведалі аб сваёй місіі, пакуль яна амаль не пачалася, піша WSJ.
Паспяховае прымяненне РЭБ
Калі ўкраінскія штурмавыя сілы прарваліся праз мяжу раніцай, некалькі расейскіх падраздзяленняў выявілі, што іх беспілотнікі і сістэмы сувязі не працуюць.
Як расказвае выданне, украінскія падраздзяленні радыёэлектроннай барацьбы ўвайшлі на расейскую тэрыторыю перад асноўнымі механізаванымі штурмавымі сіламі, каб заглушыць расейскае абсталяванне і перашкодзіць расейскім войскам вызначыць украінскія пазіцыі або перахапіць іх паведамленні. Гэта незвычайнае ранняе разгортванне стварыла "ахоўную бурбалку" вакол наступаючых украінскіх штурмавых сіл, піша WSJ.
Імклівы наступ
Акрамя таго, калі ва ўсходняй і паўднёвай Украіне заходняе абсталяванне апынулася малапрыдатным на поле бою, праз шчыльныя мінныя палі і нападаў беспілотнікаў, то ў Курскай вобласці штурмавыя брыгады, абсталяваныя амерыканскімі бронемашынамі Stryker і нямецкімі Marder, імчаліся па расейскіх дарогах, не сустракаючы вялікага супраціву. За некалькі гадзін яны рушылі на многія мілі ўглыб расейскай тэрыторыі. А за імі ішлі іншыя брыгады на танках і баявых машынах пяхоты, зачышчаючы тэрыторыю і захопліваючы палонных.
Масква прымяніла вайсковыя самалёты і гелікаптэры, каб паспрабаваць запаволіць украінскі наступ. Але ўкраінцы вылучылі наперад сістэмы СПА, каб стрымаць расейскія самалёты, і выкарыстоўвалі выбухны беспілотнік, каб збіць ударны гелікоптар, піша WSJ.
Цяпер Украіна спрабуе адрэзаць больш расейскіх гарадоў і ўскладніць расейскім падмацаванням доступ да лініі фронту, наносячы ўдары па чыгуначных вузлах і мастах.
Пры гэтым за дзевяць дзён уварвання Украіна, па падліках аналітыкаў, страціла дзясяткі адзінак бронетэхнікі. Чалавечыя страты незразумелыя, але вайсковец з 44-й брыгады сказаў, што яны былі нашмат ніжэйшыя, чым у леташнім контрнаступленні, у якім ён браў удзел.