У Растоўскай вобласці праз атаку дронаў успыхнула нафтабаза
5- 18.08.2024, 8:29
- 6,772
![У Растоўскай вобласці праз атаку дронаў успыхнула нафтабаза](https://i.c97.org/ai/575791/aux-head-1702791569-20231122_vsu_bpla1_360.jpg)
Магутны пажар патрапіў на відэа.
У Растоўскай вобласці (Расейская Федэрацыя) сёння, 18 жніўня, у выніку ўдараў беспілотнікаў адбыўся пажар на нафтавым аб'екце.
Пра гэта паведамляе РБК-Украіна са спасылкай на губернатара Растоўскай вобласці Васіля Голубева і расейскія СМІ.
Паводле слоў расейскага чыноўніка, на захадзе рэгіёну сілы і сродкі гэтай ноччу нібыта "адбілі атаку БПЛА самалётнага тыпу".
Пазней ён напісаў у сваім Telegram аб яшчэ адной “адбітай атацы” дронаш, зараз ужо на паўднёвым усходзе Растоўскай вобласці.
“У выніку падзення абломкаў на тэрыторыі прамысловых складоў у Пралетарску адбылося ўзгаранне дызпаліва. Да тушэння прыцягнуты падраздзяленні пажарных”, - заявіў губернатар.
Але пасля ўдакладніў, што "а 05:35 з-за паўторнага нападу БПЛА тушэнне пажару на прамбазе ў Пралетарску прыпыненае".
Між тым, у сеціве былі апублікаваныя кадры з пажарам на нафтааб'ектах. Расейскія медыя кажуць, што палае нафтабаза з-за ўдару дронаў.
Дадамо, як расказаў мясцовы губернатар, папярэдне з-за паветранага нападу ў Пралетарску ніхто не пацярпеў, а падраздзяленні пажарных аднавілі тушэнне.