Курская аперацыя: УСУ паказалі відэа ўцёкаў расейскіх марскіх пяхотнікаў з поля бою
10- 18.08.2024, 9:15
- 14,900
![Курская аперацыя: УСУ паказалі відэа ўцёкаў расейскіх марскіх пяхотнікаў з поля бою](https://i.c97.org/ai/607195/aux-head-1723960550-20240818_mapa_360.png)
Расейцаў разбілі ў раёне населенага пункта Коранева.
УСУ Украіны ўдарылі па марскіх пяхотніках 810-й брыгады УС РФ падчас баёў у раёне населенага пункта Коранева Курскай вобласці.
Байцы 225-га АШБ УСУ апублікавалі відэа, на якім паказана, як рэшткі згаданай варожай брыгады ў паніцы пакідаюць свае пазіцыі і спрабуюць выратавацца ўцёкамі.
Акрамя таго, байцы 225-га АШБ узялі ў палон камандзіра роты 1-га мотастралковага батальёна ўсё той жа брыгады расейскіх марскіх пяхотнікаў у рангу малодшага лейтэнанта.
У апублікаваным украінскімі вайскоўцамі відэа ён просіць абмяняць яго на байцоў “Азова”, якія абаранялі Марыюпаль і ўтрымліваліся ў расейскім палоне.
Тым часам рэсурс NOELREPORTS прыводзіць паведамленні расейскіх суполак, у якіх гаворыцца, што населены пункт Камароўка, размешчаны на захад ад Снагосці, перайшоў пад кантроль украінскага войска.
![](https://i.c97.org/ai/607195/aux-1723960556-2001a7a89806e85e52160a9bd1de26fe.jpg)