Ваенны экспэрт: 2,5 тысячы расейскіх салдат трапяць у «кацёл»

УСУ рыхтуюць пастку ў Курскай вобласці.

Сілы абароны Украіны працягваюць прасоўвацца па тэрыторыі Курскай вобласці і змаглі ўзяць пад кантроль больш за 80 населеных пунктаў. Акрамя таго, украінскія вайскоўцы могуць узяць у аператыўнае асяроддзе яшчэ 2,5 тысячы вайскоўцаў РФ. Пра гэта ў эфіры тэлеканала FREEDOM паведаміў вайсковы аглядальнік Дзяніс Паповіч.

Ён адзначыў, што цяпер наступ Узброеных сіл Украіны (УСУ) у Курскай вобласці РФ працягваецца і набірае абароты.

«Учора мы чулі пра падрыў моста праз раку Сейм. Там тры масты. Адпаведна, калі ўсе тры масты будуць знішчаныя, а з некаторых звестак знішчаныя ўжо два з трох, то ў гэтым выпадку ў аператыўнай аблозе можа апынуцца 2,5 тысячы расейскіх вайскоўцаў, якія трымаюць абарону ў гэтым раёне», - адзначае экспэрт.

Паповіч падкрэслівае, што гэты раён абмежаваны ракой з поўначы і поўдня ўкраінскай мяжы, а з захаду размешчаная тэрыторыя, якую кантралююць УСУ. Таму, калі ўкраінскія войскі замацуюцца ўздоўж ракі, выбіць іх адтуль будзе значна складаней, чым спадзяюцца расейцы.

Паводле ягоных слоў, Сілы абароны Украіны ў Курскай вобласці стварылі плацдарм, які ўвесь час пашыраецца.

«Так, праз тыдзень аперацыі ў Курскай вобласці УСУ стала складаней прасоўвацца, таму што расейцы падцягнулі падмацаванні. У той жа час спыніць гэта прасоўванне зараз яны не здольныя. Для гэтага ім патрэбна значна больш сіл. А гэтыя сілы яны могуць чэрпаць толькі з іншых кірункаў фронту. Вядома, яны спрабуюць перакідваць нейкую колькасць вайскоўцаў, але гэтай колькасці недастаткова для таго, каб спыніць украінскі наступ», - адзначыў Паповіч.

Ён таксама адзначыў, што Расея, яе палітычнае і ваеннае кіраўніцтва не былі гатовыя да такога наступу ўкраінскага войска. Упершыню за шмат гадоў замежныя сілы праніклі на тэрыторыю Расейскай Федэрацыі, і кіраўніцтва краіны не мае плана дзеянняў у гэтай сітуацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com