Стала вядома, які дакумент беларусы часцей за ўсё запытваюць у Цэнтры электронных паслуг
- 18.08.2024, 11:15
- 2,872
Ён патрэбны для працаўладкавання.
Электронная паслуга для выдачы звестак аб правапарушэннях была адной з самых запатрабаваных у беларусаў у 2023 годзе. Пра гэта ў праграме "У горадзе М" на "Радыё-Мінск" расказала прэс-сакратарка Нацыянальнага цэнтра электронных паслуг Мая Эндэладзэ.
- Электронная паслуга "Выдача фізічным асобам звестак аб правапарушэннях, якія захоўваюцца ў адзіным дзяржаўным банку звестак аб правапарушэннях" спатрэбіцца ўсім тым, хто ўладкоўваецца на працу ў дзяржустановы. Для гэтага дастаткова зайсці ў асабісты кабінет на адзіным партале электронных паслуг "Е-Паслуга", выбраць для заказу паслугу 3.19.02 і праз тры дні атрымаць дакумент, — адзначыла Ендэладзэ.
Асабісты кабінет ёсць у кожнага беларуса, ён створаны на падставе звестак з Рэгістра насельніцтва, але знаходзіцца ў "сонным рэжыме". Як растлумачыла прэс-сакратар НЦЭУ, каб яго актывізаваць, дастаткова проста зайсці ў яго з ID-карткай, ключом ЭЛП, нумару тэлефона, e-mail, уліковым запісам у Google або Apple. Аднак варта мець на ўвазе, што без ID-карты ці ключа ЭЛП можна атрымаць толькі мінімальны набор паслуг, бо большасць электронных сэрвісаў на партале "Е-Паслуга" даступныя праз строгую аўтэнтыфікацыю. Калі ж яна ёсць, то будуць даступны ўсе паслугі ў асабістым кабінеце.
Грамадзяне, якія маюць на руках звыклыя пашпарты, могуць атрымаць сертыфікат электроннага лічбавага подпісу на базе 12 рэгістрацыйных цэнтраў (адрасы - тут).
Адзіны партал электронных паслуг існуе больш за 10 гадоў. Цяпер для замовы даступныя 579 сэрвісаў: 241 электронная паслуга і 338 адміністрацыйных працэдур.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
