«Усё гарыць, дым слупам»: момант удару па нафтабазе пад Растовам паказалі на відэа
4- 18.08.2024, 11:38
- 6,416
![«Усё гарыць, дым слупам»: момант удару па нафтабазе пад Растовам паказалі на відэа](https://i.c97.org/ai/607214/aux-head-1723966611-20240818_baza_360.png)
Дроны атакавалі двойчы.
У ноч на 18 жніўня ў расейскім горадзе Пралетарску (Растоўская вобласць) пад дронавы ўдар трапіла вялікая нафтабаза. Мясцовыя ўлады і Мінабароны РФ сцвярджаюць, што адбілі атаку. Аднак відавочцы паведамляюць адваротнае, піша Дыялог.UA.
Са слоў відавочцаў, буйны склад дызельнага паліва пад Пралетарскам быў атакаваны ўдарнымі БПЛА двойчы за ноч. У выніку там узніклі два маштабныя пажары, з якімі ўлады не могуць справіцца дагэтуль. Да ліквідацыі ўзгарання прыцягнулі пажарны цягнік. Мясцовая жыхарка зняла наступствы атакі не відэа. «Вось яно ўсё гарыць! Дым слупам», - распавяла расейка.
![](https://i.c97.org/ai/607214/aux-1723966632-79254b86b556b0883d5f0d4cf43c9988.jpg)
Пралетарск знаходзіцца прыкладна ў 380 км ад тэрыторый Украіны, падкантрольных УСУ. Адзначым, што гэтая нафтабаза была актыўна задзейнічаная ў забеспячэнні акупацыйнай групоўкі Расеі ва Украіне, гэта значыць, яна была для УСУ законнай ваеннай цэллю.