Сяргею Ціханоўскаму - 46 гадоў
6- 18.08.2024, 12:23
- 2,780
![Сяргею Ціханоўскаму - 46 гадоў](https://i.c97.org/ai/413036/aux-head-1614450939-20210227_kulak_360.jpg)
ФОТА: «РАДЫЁ СВАБОДА»
Палітвязень сустрэў дзень народзінаў за кратамі.
Лідару беларускай апазіцыі, палітвязню Сяргею Ціханоўскаму сёння спаўняецца 46 гадоў.
Блогер і палітык знаходзіцца за кратамі з 29 траўня 2020 года.
Прэтэндэнта ў кандыдаты прэзідэнта, аўтара YouTube-канала «Краіна для жыцця» Сяргея Ціханоўскага затрымалі ў Гародні ў траўні 2020 года падчас адной з яго паездак па краіне.
У снежні 2021 года Ціханоўскаму прысудзілі 18 гадоў пазбаўлення волі ў калоніі ўзмоцненага рэжыму, яго судзілі разам з цэлым шэрагам іншых актывістаў. У жніўні 2022 года палітыка перавялі на самы жорсткі, турэмны рэжым на тры гады. У сярэдзіне студзеня 2023 года супраць лідара апазіцыі распачалі справу за «злоснае непадпарадкаванне патрабаванням адміністрацыі папраўчай установы». У выніку ў лютым 2023-га палітвязню прызначылі ў дадатак да 18 гадоў калоніі яшчэ паўтара гады пазбаўлення волі.