Украінцы ўдарылі па камбінату «Каўказ» у Расеі
6- 18.08.2024, 13:22
- 8,724
![Украінцы ўдарылі па камбінату «Каўказ» у Расеі](https://i.c97.org/ai/607228/aux-head-1723970936-20240818_udar_rost_kavkaz_360.jpg)
У Генштабе УСУ распавялі аб наступствах.
У ноч на 18 жніўня нанесены ўдар па чарговым важным аб'екце расейцаў – камбінату «Каўказ», што ў Растоўскай вобласці Расейскай Федэрацыі.
Пра гэта паведамляе Генеральны штаб Узброеных сіл Украіны. «Тут захоўваліся нафта і нафтапрадукты, якія пастаўляліся таксама і для патрэб акупацыйнага войска РФ», - сказана ў паведамленні. Адзначаецца, што зафіксаваныя сама меней два ачагі ўзгарання на тэрыторыі аб'екта.
Больш падрабязная інфармацыя аб наступствах паражэння ўдакладняецца. «Задача выкананая сіламі і сродкамі Галоўнай управы выведкі Міністэрства абароны Украіны ва ўзаемадзеянні з Узброенымі сіламі і іншымі складнікамі Сіл абароны Украіны. Мерапрыемствы па падрыве вайскова-эканамічнага патэнцыялу Расейскай Федэрацыі працягваюцца», - сказана ў паведамленні.
У сеціве ўжо паказалі відэа, на якім наступствы ўдару па камбінаце «Каўказ».