Як моцна апусціцца беларускі рубель за 2024 год

Прагноз аналітыкаў.

Беларускі рубель можа аслабнуць прыкладна на 4% за 2024 год у тэрмінах кошыка замежных валют. Так мяркуюць экспэрты BEROC, якія выпусцілі даследаванне "Агляд манетарнага асяроддзя: II квартал 2024 г", піша "Белорусы и рынок".

На паступленні ад экспарту стрымлівальнае ўздзеянне будзе мець чаканае паслабленне дынамікі попыту ў Расеі, падвышэнне канкурэнцыі на расейскім рынку, затрымкі з паступленнямі валютнага даходу ў санкцыйным асяроддзі і дасягнутыя межы загрузкі вытворчых магутнасцяў у прамысловасці.

Дынаміка курсаў рубля да асобных валют будзе залежаць ад траекторыі крос-курсаў на замежных рынках. Пры знаходжанні курса USD/RUB блізу 90 расейскіх рублёў за даляр курс USD/BYN складзе 3,23 беларускага рубля за даляр у сярэднім за 2024 год. Курс 100*RUB/BYN у такім выпадку прагназуецца ў суме 3,57 беларускага рубля за 100 расейскіх рублёў у сярэднім у 2024 г.

Новыя істотныя санкцыйныя праявы і пагроза парываў лагістычных ланцужкоў застаюцца чыннікамі рызыкі для курсавой дынамікі. Іх рэалізацыя прывядзе да непазбежнасці больш значнага абясцэнення рубля, у тым ліку ў дачыненні да расейскай валюты, чым прадугледжвае базавы сцэнар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com