Лукашэнка расказаў аб "мабілізацыі на захадзе Беларусі"
5- 18.08.2024, 16:41
- 14,030
![Лукашэнка расказаў аб "мабілізацыі на захадзе Беларусі"](https://i.c97.org/ai/449310/aux-head-1640808225-20211229_luka_360.jpg)
Размова пра некалькі тысяч чалавек.
Беларусь правяла мабілізацыю "на захадзе" некалькіх тысяч чалавек і перакінула іх на палігон каля мяжы з Украінай. Аб гэтым Лукашэнка заявіў у інтэрв'ю расейскаму прапагандысту Яўгену Папову для тэлепраграмы "Вялікія нядзельныя весткі" на тэлеканале "Расея".
“І зноў тыя ж войскі, якія мы адвялі, лічыце, траціну войска мы ўвялі. І нават на захадзе мы правялі мабілізацыю і перакінулі на поўдзень, на палігон рыхтаваць нашы часткі. Гэта было планавае мерапрыемства, там таксама некалькі тысяч хлопцаў рыхтуюцца з паўночна-заходняга кірунку. Адтуль мы перакінулі… На ўкраінскую [мяжу], ну, на поўдзень гэта практычна пад Берасце”, - растлумачыў ён.