Украінская выведка расказала пра ўдар па нафтабазе ў Растоўскай вобласці РФ
3- 18.08.2024, 17:54
- 3,696
![Украінская выведка расказала пра ўдар па нафтабазе ў Растоўскай вобласці РФ](https://i.c97.org/ai/517384/aux-head-1664215119-20220919_gur_360.jpg)
Нафтабаза дагэтуль гарыць.
Уночы 18 жніўня ў выніку аперацыі Галоўнай управы выведкі Мінабароны Украіны ударам дронаў была знішчаная нафтабаза ФДКУ камбіната Каўказ у Растоўскай вобласці РФ, паведамілі крыніцы NV у Галоўнай управе выведкі Мінабароны Украіны.
Гэтая нафтабаза працавала на варожы ВПК і забяспечвала дзейнасць расейскіх акупацыйных войскаў. Як паведамляюць крыніцы ва ўкраінскай выведцы, атака была праведзеная з дапамогай дронаў-камікадзэ ўкраінскай вытворчасці.
Паводле інфармацыі мясцовых тэлеграм-каналаў вядома, што відавочцы чулі прынамсі тры выбухі ў раёне аб'екта з наступным узгараннем рэзервуараў з палівам.
Зараз на аб'екце дагэтуль спрабуюць ліквідаваць пажар.