Пад Мсціславам аўто з дзецьмі вылецела ў кювет
- 18.08.2024, 21:02
- 2,656
![Пад Мсціславам аўто з дзецьмі вылецела ў кювет](https://i.c97.org/ai/607276/aux-head-1724004129-20240818_auto_dtp_360.jpg)
Ёсць пацярпелыя.
У Мсціслаўскім раёне перакуліўся Citroen, 5 чалавек пацярпелі, паведамляе УУС Магілёўскага аблвыканкама.
ДТЗ адбылося 18 жніўня ў 09:37 на дарозе Магілёў - Расна - Мсціслаў. 41-гадовая кіроўца страціла пільнасць і не справілася з кіраваннем, аўтамабіль выехаў на сустрэчную паласу, а затым на абочыну і ў выніку з'ехаў у кювет, дзе перакуліўся.
Кіроўца і ягоныя 4 пасажыры дастаўленыя ў бальніцу. Адзначаецца, што дзякуючы выкарыстанню рамянёў бяспекі, сур'ёзных траўм удалося пазбегнуць.
![](https://i.c97.org/ai/607276/aux-1724004135-2024-08-18 19.59.47.jpg)
Паводле паведамлення спецыялістаў Рэспубліканскага цэнтра медрэагавання Міністэрства аховы здароўя, сярод пацярпелых - дзеці 11 і 13 гадоў і трое дарослых. Усе яны шпіталізаваны ў Мсціслаўскую ЦРБ.