У Курскую вобласць зайшлі амерыканскія добраахвотнікі

У сацсетках амерыканскай ваеннай групы з'явілася фота з тэрыторыі РФ.

Амерыканская недзяржаўная ваенная арганізацыя Forward Observations Group («Група нападу і назірання»/FOG), якая складаецца з былых марскіх пяхотнікаў і вайскоўцаў спецыяльнага прызначэння ЗША, прызнала свой удзел ва ўкраінскім наступе пад Курскам.

У сацсетках FOG з'явілася фота амерыканскіх вайскоўцаў з тэрыторыі РФ.

Міністэрства замежных спраў Расеі выклікала часовага паверанага ў справах ЗША Стэфані Холмс і выказала ёй пратэст у сувязі з тым, што амерыканскія вайскоўцы ўдзельнічаюць у вайсковых аперацыях на тэрыторыі РФ.

Група FOG была заснаваная былым амерыканскім марскім пяхотнікам Дэрыкам Бэйлсам, які служыў у Афганістане ў складзе 173-й паветрана-дэсантнай брыгады ЗША, і першапачаткова прадстаўляла брэнд продажу тактычнага вайсковага рыштунку.

Аднак пасля чальцы групы ў якасці «рэпарцёраў» і «медыкаў» сталі з'яўляцца ў гарачых мясцінах Блізкага Усходу, дзе здымалі кадры мясцовых боестыкненняў і дапамагалі параненым жыхарам і салдатам медыкаментамі. Тое ж самае чальцы FOG рабілі і ва Украіне яшчэ да поўнамаштабнага расейскага ўварвання.

Некаторыя сябры FOG, як пішуць амерыканскія СМІ, ужо ў 2018-2021 гадах надавалі непасрэдную вайсковую дапамогу ўкраінскаму войску ў вайне з прарасейскімі сепаратыстамі на Данбасе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com