Расейцаў рыхтуюць да таго, што УСУ надоўга зайшлі ў Курскую вобласць

Мінімум - на некалькі месяцаў.

Улады РФ мяркуюць, што наступ УСУ ў Курскай вобласці працягнецца мінімум некалькі месяцаў і рыхтуюць расейцаў да «новай нармальнасці» - калі частка расейскай тэрыторыі кантралюецца ўкраінскімі вайскоўцамі, паведамляе «Медуза».

Са спасылкай на блізкія да Крамля і ўрада РФ ананімныя крыніцы, СМІ сцвярджае, што адразу пасля пачатку наступу УСУ на Куршчыне «расейскія эліты былі шакаваныя», але «праз два тыдні шок прайшоў, адбылося звыканне».

«Спачатку было незразумела, якімі сіламі (УСУ - рэд.) зайшлі, на які тэрмін гэта. Цяпер разуменне ёсць, гэта заўсёды лягчэй. Да абласных цэнтраў далёка. Але сам заход (УСУ - рэд.) на тэрыторыю РФ і ўзяцце пад кантроль вёсак - падзея новая, і падзея вельмі непрыемная», - расказала блізкая да Крамля крыніца СМІ.

Са звестак сацыялагічнага апытання, якое было праведзенае на замову адміністрацыі дыктатара Уладзіміра Пуціна, праз наступ УСУ на Куршчыне трывожныя настроі расейцаў выраслі на 6% і дасягнулі 45%. У Крамлі атрыманыя вынікі палічылі дастаткова высокімі, паведамляе выданне.

Як паведамляюць СМІ, каб хутчэй супакоіць настроі жыхароў РФ, Крэмль з дапамогай прапаганды робіць спробы падрыхтаваць іх да жыцця ва ўмовах «новай рэальнасці» і «новай нармальнасці».

«Гэта (выкарыстанне такіх абаротаў у прапагандзе – рэд.) трэба, каб людзі разглядалі тое, што адбываецца, не адхіленнем, а новай нормай, хай і часовай. Гэта павінна супакойваць. У адхіленні ад нормы існаваць складана. У норме, хай і новай, - прасцей», - тлумачыць медыятэхнолаг, які супрацоўнічае з унутрыпалітычным блокам адміністрацыі дыктатара Пуціна.

Гэта значыць, як мяркуюць СМІ, у Крамлі спрабуюць пераканаць расейцаў, што «вяртанне тэрыторый зойме час - трэба пачакаць».

Агулам жа ўсе апытаныя СМІ чыноўнікі ўпэўненыя, што баі ў Курскай вобласці могуць працягвацца некалькі месяцаў. Блізкі да ўрада суразмоўца ўдакладняе - гэтая ацэнка «дастаткова аптымістычная».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com