Запасы газу ў Еўропе дасягнулі зімовага ўзроўню на два месяцы раней за план

Газавыя сховішчы Еўропы запоўненыя ўжо на 90 адсоткаў.

Запасы газу ў еўрапейскіх сховішчах на 19 жніўня дасягнулі 90%, што дазваляе ЕЗ упэўнена ўвайсці ў зімовы сезон. Гэты вынік быў дасягнуты больш чым на два месяцы раней за запланаваны тэрмін, паведамляе Bloomberg.

Хаця ўзровень запоўненасці сховішчаў крыху ніжэйшы, чым у аналагічны перыяд мінулага года праз запаволеныя летнія пастаўкі, ён усё яшчэ значна перавышае сярэднія паказчыкі за апошнія пяць гадоў.

Тым не менш, Еўропа па-ранейшаму знаходзіцца пад пагрозай раптоўных перабояў у пастаўках, папярэджвае агенцтва. Пытанне замяшчэння расейскага трубаправоднага газу застаецца актуальным, паколькі тэрмін дзеяння транзітнага пагаднення паміж Расеяй і Украінай заканчваецца.

Акрамя таго, Нарвэгія, якая з'яўляецца найбуйнейшым пастаўшчыком газу ў Еўропу, уступіла ў перыяд маштабнага тэхнічнага абслугоўвання, што выклікае занепакоенасць сярод трэйдараў. Як адзначыў аналітык кампаніі Rystad Крыстаф Хальсер, усе непрадбачаныя затрымкі або падаўжэння тэрмінаў тэхабслугоўвання могуць выклікаць нервовасць на рынку.

Пастаўкі з Нарвэгіі адыгрываюць асаблівую ролю, паколькі Еўропа паступова скарачае імпарт звадкаванага прыроднага газу, дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com