У Белавежскай пушчы зацвіла рэдкая рэліктавая расліна

Доўгі час меркавалася, што ў Беларусі такое ўбачыць немагчыма.

У Белавежскай пушчы зацвітае рэдкая рэліктавая расліна - плюшч звычайны. У нашай краіне гэта адзіная вечназялёная дрэвападобная ліяна, якая расце ў дзікай прыродзе, паведамляе навуковы аддзел нацыянальнага парка "Белавежская пушча".

Доўгі час меркавалася, што ў Беларусі праз даволі суровыя зімы немагчыма ўбачыць кветкі плюшчу. Аднак у апошнія дзесяцігоддзі цвіценне ліяны ў натуральных умовах было заўважана ў самых цёплых раёнах Берасцейскай вобласці - у наваколлях гарадоў Берасце і Высокае.

У Белавежскай пушчы цвіценне плюшчу доўгі час не рэгістравалася. Першыя прыкметы таго, што расліна вось-вось заквітнее, былі адзначаны ў нацыянальным парку яшчэ ў 2008 годзе - у ліяны з`явіліся лісце асаблівай, так званай, "светлавой" формы (не трох-ці пяціканцовыя, а яйкападобныя), аднак суквецці былі зусім слабыя, амаль неразвітыя.

Сёлета плюшч зацвіў па-сапраўднаму. Забраўшыся на старую бярозу ля узбочыны дарогі на вышыню больш за 7 метраў, ліяна знайшла невялікае сонечнае «акенца» ў густым драўняным спадзе і выпусціла маленькія шарападобныя парасонавыя суквецці з бутонамі дробных зялёных кветак.

Плюшч звычайны або, па-навуковаму, Hedera helix L. – не проста рэдкая расліна, яна ўключаная ў Чырвоную кнігу Рэспублікі Беларусь у статусе знікаючай расліны ІІ катэгорыі нацыянальнай прыродаахоўнай значнасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com