Абас скасаваў вячэру ў Турцыі праз асцярогу замаху
- 21.08.2024, 18:03
- 2,562
![Абас скасаваў вячэру ў Турцыі праз асцярогу замаху](https://i.c97.org/p/articles/ai-165774-aux-head-mahmud_abbas_360.jpg)
Прэзідэнт Палестыны выступіў на пазачарговым пасяджэнні турэцкага парламента 15 жніўня.
Прэзідэнт Палестыны Махмуд Абас падчас паездкі ў Турцыю скасаваў вячэру з дэпутатамі парламента праз пагрозу замаху. Аб гэтым паведамляе газета Hürriyet са спасылкай на крыніцы.
Абас выступіў на пазачарговым пасяджэнні турэцкага парламента 15 жніўня. Падчас выступу ён абвясціў аб намеры наведаць сектар Газа і Іерусалім разам з іншымі чальцамі ФАТХ. Пасля ён наведаў фотавыставу, прысвечаную Палестыне, і «неўзабаве пакінуў парламент».
Як адзначае газета, спікер парламента Турцыі Нуман Куртулмуш планаваў зладзіць вячэру ў гонар Абаса, аднак той адмовіўся і сказаў, што яму трэба дабрацца да Палестыны «да наступлення цемры». Hürriyet піша, што прычына гэтага - асцярога замаху на забойства з боку Ізраіля.