Барэль: Зняцце абмежаванняў для УСУ на выкарыстанне зброі Захаду дапаможа мірным намаганням
13- 21.08.2024, 19:01
- 8,648
![Барэль: Зняцце абмежаванняў для УСУ на выкарыстанне зброі Захаду дапаможа мірным намаганням](https://i.c97.org/ai/566041/aux-head-1696185054-20231001_borel_360.jpg)
РФ трэба пазбавіць «логава» для нападаў на Украіну.
Скасаванне абмежаванняў для Украіны на выкарыстанне перададзенай краінамі Захаду зброі дапаможа прасунуць мірныя намаганні.
Пра гэта паведамляе РБК-Украіна са спасылкай на кіраўніка дыпламатыі Еўрапейскага Звязу Жазэпа Барэля ў Twitter.
Са слоў Барэля, зняцце абмежаванняў для Украіны на выкарыстанне заходняга ўзбраення супраць расейскіх вайскоўцаў дазволіла б:
умацаваць украінскую самаабарону, бо РФ пазбавіцца «логава» для нападаў і абстрэлаў украінскіх гарадоў і інфраструктуры.
выратаваць жыцці людзей і паменшыць разбурэнні ва Украіне.
садзейнічаць прасоўванню мірных намаганняў.
Са слоў чыноўніка, ён перадаў міністру замежных спраў Украіны Дзмітрыю Кулебе, што ЕЗ цалкам падтрымлівае барацьбу Украіны супраць расейскай агрэсіі.
«Я з нецярпеннем чакаю сустрэчы з ім у Брусэлі і дыскусіі з міністрамі замежных спраў і абароны краін ЕЗ на наступным тыдні, каб рушыць наперад у нашай падтрымцы Украіны», - дадаў ён.