Ураганны вецер валіў дрэвы ў Беларусі

Парывы дасягалі 21 метра за секунду.

Лівень падтапіў дамы, а моцны вецер да 21 м/с паваліў 16 дрэў у Беларусі. Аб гэтым паведамілі ў прэс-службе Міністэрства надзвычайных сітуацый.

Згодна з аператыўнымі звесткамі, з прычыны праходжання навальнічнага фронту з парывамі ветру да 21 метра за секунду, былі зафіксаваны 16 выпадкаў падзення дрэў. У МНС удакладнілі, што пяць дрэў упала ў Берасцейскай вобласці і адзінаццаць - у Менскай.

Гаворыцца, што паваленыя дрэвы пашкодзілі адзін аўтамабіль, дах жылога дома, а таксама гаспадарчую пабудову ў Менскай вобласці. Ніхто не пацярпеў. Ратавальнікі і супрацоўнікі іншых арганізацый праводзілі работы, звязаныя з распілоўкай і прыборкай дрэў.

Акрамя таго, у выніку моцнай залевы апынуліся затопленыя сем прыватных жылых дамоў у Менскім (тры дамы), Маладзечанскім раёнах (2 дамы), а таксама два дамы ў Баранавічах. Пры падтапленнях таксама ніхто не пацярпеў. Супрацоўнікі МНС праводзілі работы для адпампоўвання вады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com