Пад Менскам загарэлася аўтамыйка

Трое пацярпелых у цяжкім стане.

У Менскім раёне каля аграгарадка Азярца здарыўся буйны пажар. Загарэлася мыйка для грузавых аўтамабіляў, паведамілі ў МНС.

Паводле папярэдніх звестак, перакрыцце абрынулася на паўпрычэп-цыстэрну грузавіка, які знаходзіўся ў гаражы. Праз што ён загарэўся.

У выніку здарэння пацярпелі два чалавекі. Іх шпіталізавалі.

Таксама пры працы на месцы пажару дрэнна сябе адчуў і працаўнік МНС. Яго даставілі ў медустанову з папярэднім дыягназам «цеплавы ўдар».

Усе трое знаходзяцца ў лякарні хуткай медыцынскай дапамогі ў аддзяленні рэанімацыі.

«Праводзіцца комплекс дыягнастычных мерапрыемстваў, а таксама прыцягнутыя спецыялісты рэспубліканскіх устаноў для наступнага вызначэння і тактыкі лячэння гэтых пацыентаў», - расказаў начальнік галоўнай управы арганізацыі медыцынскай дапамогі Міністэрства аховы здароўя Леанід Недзень.

З яго слоў, стан пацыентаў ацэньваецца як стабільна цяжкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com