Ізраільскі спецвайсковец выратаваў мусульманскага бедуіна з закладнікаў ХАМАС

Ён стаў восьмым закладнікам, якога выпала вярнуць жывым падчас узброенай аперацыі.

Ізраільскія спецвойскі выратавалі 52-гадовага закладніка на імя Каід Фархан Аль-Кадзі, выкрадзенага мінулай восенню ваеўнікамі ХАМАС, паведаміла войска (ЦАХАЛ) у тэлеграм-канале.

Закладніка ўтрымлівалі ў падземным тунэлі пад бедуінскай грамадой Рахат, звесткі аб ягоным знаходжанні дала выведка. ЦАХАЛ не стала падаваць драбніцы аперацыі. Пасля вяртання ў Ізраіль мужчыну адправілі ў лякарню на медычны агляд, ягоны стан стабільны.

«Але ўсё яшчэ застаюцца 108 закладнікаў, чые сем'і ўсё яшчэ чакаюць навін аб тым, што іхнія блізкія вярнуліся дадому. І яны маюць ведаць, што мы не супакоімся, пакуль не выканаем нашу місію вяртання ўсіх нашых закладнікаў дадому», — сказана ў паведамленні.

Аль-Кадзі — мусульманін і сябра ізраільскай бедуінскай грамады, ён родам з вёскі недалёка ад Рахата на поўдні Ізраіля. Ён працаваў ахоўнікам на пакавальнай фабрыцы ў ізраільскім кібуцы Маген непадалёк ад мяжы з Газай. Аль-Кадзі стаў восьмым закладнікам, якога выпала вярнуць у Ізраіль жывым падчас узброенай аперацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com