УСУ адціснулі расейцаў і вызвалілі тэрыторыі ў Харкаўскай вобласці
3- 31.08.2024, 21:58
- 8,258
![УСУ адціснулі расейцаў і вызвалілі тэрыторыі ў Харкаўскай вобласці](https://i.c97.org/ai/608345/aux-head-1724748805-20240827_VSU_army_360.jpg)
Украінскія абаронцы замацоўваюцца на вызваленых тэрыторыях.
Украінскія вайскоўцы паспяхова адціснулі акупантаў з тэрыторыі Харкаўскай вобласці. На гэтым кірунку доўжацца стабілізацыйныя дзеянні. Пра гэта заявіў намеснік камандзіра ўкраінскай 3-й АШБр Максім Жорын.
- На Харкаўскім кірунку, у зоне адказнасці нашай Трэцяй штурмавой брыгады зараз прадаўжаюцца стабілізацыйныя дзеянні, - паведаміў ён.
Жорын растлумачыў, што пасля паспяховых штурмаў і вызвалення тэрыторый украінскім абаронцам трэба замацавацца на новых пазіцыях.
- Пры гэтым расейцы ўвесь час спрабуюць вярнуць страчаныя пазіцыі і кідаюць на гэта ўсё новыя і новыя рэсурсы. Якія мы паспяхова знішчаем, - дадаў вайсковец.