У Беларусі пачалі вырошчваць тытунь
24- 3.09.2024, 9:09
- 6,730
Ёсць цыгарэтны і цыгарны варыянты.
На даследчых дзялянках Віцебскага занальнага інстытута сельскай гаспадаркі НАН Беларусі ў вёсцы Тулава пад Віцебскам ідзе збор першага беларускага тытуню, піша "Сельская газета". Ёсць цыгарэтны і цыгарны варыянты.
У прамысловых маштабах у Беларусі тытунь пакуль не апрацоўваюць. Пад Віцебскам яго вырасцілі для эксперыменту, і спецыялісты мяркуюць, што ён удаўся.
Два гатункі тытуню звычайнага - "беларускі цыгарэтны" і "беларускі цыгарны" - нядрэнна зарэкамендавалі сябе ў глебава-кліматычных умовах Віцебскай вобласці. За кошт вышыні 180-200 сантыметраў і вялікай колькасці лісця (да 22 штук) на сцябле яны характарызуюцца высокай ураджайнасцю. Вывеў гатункі намеснік дырэктара Віцебскага занальнага інстытута ў навуковай рабоце Віктар Сацішур. Ён растлумачыў, што лісце тытуню спеюць па чарзе.
«На сёння сабралі па 12 лісцікаў з кожнай расліны. На чарзе астатнія. Цёплае надвор'е спрыяе аптымальнаму паспяванню тытуню, зборку якога плануем закончыць да сярэдзіны верасня», - распавёў Сацішур.
З гектара "беларускай цыгарэтнай" і "беларускай цыгарнай" гатункаў можна атрымаць 22-25 цэнтнераў сухой сыравіны - у інстытуце разлічваюць выйсці менавіта на такую ўраджайнасць. Далей вынік пакажуць дэгустацыйнай камісіі Гарадзенскай тытунёвай фабрыкі.
«Станоўчая ацэнка сабранага пад Тулава тытуню адкрые новыя перспектывы, у тым ліку ў імпартазамяшчэнні. Атрымліваючы айчынную сыравіну, рэальна закрыць як мінімум палову патрэб тытунёвай галіны рэспублікі», - мяркуе Сатышур.
Раней гэтыя сарты прызналі прыдатнымі для вырошчвання ў Берасцейскай, Гарадзенскай і Гомельскай абласцях. З гэтага года спіс папоўніць і Віцебшчына.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
