«Кітаю нявыгадная перамога Расіі»

Пекін зацікаўлены ў аслабленні Масквы.

Прэзідэнт ЗША Дональд Трамп ацаніў «на 12 з 10» сваю сустрэчу з кіраўніком КНР Сі Цзіньпінам 30 кастрычніка ў Паўднёвай Карэі. Кіраўнік Белага дома таксама адзначыў, што пытанне завяршэння вайны ва Украіне «ўзнімалася вельмі сур'ёзна» і заявіў, што «Сі дапаможа» і яны разам будуць працаваць над гэтай праблемай.

Вядомы ўкраінскі палітолаг, кіраўнік Цэнтра прыкладных палітычных даследаванняў «Пента» Уладзімір Фесенка у інтэрв'ю сайту Charter97.org выказаў сумнеў у жаданні Сі ціснуць на Пуціна па пытанні вайны ва Украіне:

— А навошта яму гэта рабіць? Які інтарэс Сі Цзіньпіна рабіць падарункі Трампу? Бо цяпер гэта задача Трампа — ён імкнецца быць галоўным міратворцам у свеце. Адна справа дамаўляцца па рэдказямельных металах, па тарыфах — ёсць прамы інтарэс Кітая і ЗША, каб не было гандлёвай вайны. У выпадку Украіны гаворка ідзе пра канфлікт, да якога Кітай фармальна не датычны.

Усе паўтараюць фразу міністра замежных спраў Кітая пра тое, што для Пекіна нявыгадная параза Расіі. Так, гэта так, але пра паразу, на жаль, цяпер гаворка не ідзе. Кітаю нявыгадная і перамога Расіі. Працяг вайны стварае пэўныя праблемы для Пекіна, але гэта яго задавальняе, таму што гэтая вайна аслабляе Расію.

Кітаю нявыгодная эскалацыя вайны, а тым больш яе перанос на суседнія краіны, асабліва на краіны Еўрапейскага саюза, таму што гэта будзе пагрозай эканамічным інтарэсам. Так што ў Кітая супярэчлівы інтарэс у гэтым плане, але няма відавочнага прамога інтарэсу праяўляць асаблівую актыўнасць у завяршэнні гэтай вайны.

Калі б Трамп не займаўся гэтай вайной, то тады я не выключаю, што, магчыма, Кітай, сумесна з некаторымі сваімі партнёрамі, праявіў бы больш актыўнасці, каб паказаць сваю ролю міратворцы, паказаць сваю глабальную ролю — што ён можа спыняць такога кшталту канфлікты. Тут вядучую ролю адыгрываюць ЗША, а гэта канкурэнт, супернік. Цяпер паміж сабой дамаўляюцца, але навошта дапамагаць канкурэнту, навошта рабіць яго яшчэ больш паспяховым?

Пакуль я тут не бачу відавочнага прамога інтарэсу Кітая. Магчыма, ён з'явіцца ў сілу тых ці іншых абставінаў. Паколькі пакуль няма ніякай інфармацыі пра такія сумесныя дзеянні, няма і канкрэтных дамоўленасцяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com