Тэкст выступлення Гары Каспарава на форуме ў Галіфаксе

Украіна — адзіная краіна, якая вядзе вайну, закрываючы сабой Еўропу.

Адзін з лідараў расійскай апазіцыі Гары Каспараў на форуме Halifax International Security Forum раскрытыкаваў пазіцыю ЗША ў дачыненні да Украіны. Падаем поўны тэкст яго выступлення:

- Тое, што тут (на Захадзе) адбываецца, — шоу, пра якое Пуцін і марыць не мог. Ніводнага прамога адказу! Пытанне наогул не ў колькасці зброі, якая ў вас ёсць. Пытанне ў тым, ці гатовыя вы ваяваць і паміраць.

«У нас ёсць канадская брыгада ў Латвіі». Выдатна. Але які загад у гэтай брыгады? Калі расіяне перасякуць мяжу, гэта брыгада будзе страляць? Мы ж ведаем адказ: вы тыднямі будзеце раіцца.

Я не разумею, як наогул можна ўсур'ёз абмяркоўваць «план», прыдуманы бізнэс-партнёрам Трампа? Гэта рыэлтарская здзелка, цынічная схема ўзбагачэння сям'і Трампа коштам продажу Украіны.

Як мы наогул можам казаць, што Украіна павінна дэмантаваць умацаванні, якія літаральна ратуюць Еўропу?

НАТА сёння — гэта фікцыя! НАТА не існуе! Гэта фэйк! Чатыры літары: Н-А-Т-А.

Адзіная прычына, па якой вы тут спакойна сядзіце і ладзіце сабе святы, — тое, што Украіна пралівае кроў кожную хвіліну. Калі б не Украіна, расійскія танкі ўжо стаялі б у Польшчы.

Вы лічылі, што Украіна не ўтрымаецца, вы прапаноўвалі Зяленскаму пакінуць краіну. А ён адказаў, што яму патрэбна не эвакуацыя, а боепрыпасы. Чатыры гады Украіна змагаецца за ўсю Еўропу!

НАТА было створана дзеля адной-адзінай задачы: абараніць вольную Еўропу ад агрэсіі. Украіна — адзіная краіна, якая вядзе вайну, закрываючы сабой Еўропу. І мы ўсё яшчэ абмяркоўваем, прымаць яе ў НАТА ці не?

Украіна — адзіная краіна, якая ўвасабляе сэнс існавання НАТА. І мы абавязаныя Украіне ўсім, што ў нас ёсць. Ну так, давайце іх здадзім.

Зяленскі стаіць перад такім выбарам... Я нават не знаходжу слоў, каб гэта выказаць. Як грамадзянін Расіі, я таксама адчуваю сваю віну і не маю права раіць Зяленскаму, што рабіць. Інакш я сказаў бы яму наўпрост: ды пашлі ты гэтага Трампа куды падалей.

Яшчэ раз: колькі ў нас тут сенатараў? Хто-небудзь збіраецца сказаць Дональду Трампу, што ён не мае права гэта рабіць?

…Пуцін, Сі Цзіньпін і ўсе астатнія дыктатары апладзіруюць таму, што адбываецца. Расія ўжо ваюе рукамі паўночнакарэйскіх, кубінскіх, афрыканскіх наймітаў. І пасля гэтага мы працягваем гаварыць пра эскалацыю?

У нас ёсць усё: вайсковая, палітычная, эканамічная магутнасць. Усё на нашым баку. І мы ўсё роўна праграем гэтую вайну. Толькі дзякуючы Украіне Пуцін дагэтуль не ўвасобіў сваю мару пра адраджэнне імперыі. Але калі, барані Божа, Украіну прымусяць прыняць гэтую «здзелку», то можна не сумнявацца — Пуцін дасягне свайго.

А далей, хлопцы, — наступнымі будзеце вы. Толькі ваяваць вы не гатовыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com