У Крыме зноў узнік дэфіцыт бензіну і дызпаліва на запраўках

Паліва адпускаюць толькі па талонах.

На тэрыторыі акупаванага Крымскага паўвострава, нягледзячы на ўведзеныя ў кастрычніку ліміты на продаж бензіну, зноў фіксуюцца перабоі з палівам на аўтазаправачных станцыях (АЗС).

Напрыклад, у Ленінскім раёне, як расказалі мясцовыя жыхары ў сярэдзіне тыдня, на буйных запраўках зніклі бензін АІ-95 і дызельнае паліва, адзначае The Moscow Times.

Паводле звестак крымскага выдання ForPost, такая ж праблема — у Сімферопалі. 95-ы бензін знік з вольнага продажу ў горадзе яшчэ на пачатку тыдня, яго адпускаюць толькі па талонах і паліўных картах.

«Крымскі ветар» публікуе скрыншоты з мясцовых чатаў, у якіх вадзіцелі спрабуюць даведацца, дзе можна купіць бензін у Ялце, Джанкоі і іншых месцах.

Бензінавы крызіс у Крыме пачаўся ў верасні пасля серыі ўкраінскіх удараў па нафтаперапрацоўчых заводах Расіі. На анэксаваным паўвостраве ўзнік востры дэфіцыт паліва на АЗС, у выніку чаго ўлады ўвялі, а затым амаль адразу ўжорстачылі абмежаванні на продаж бензіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com