Сырскі: Украіна за месяц паразіла амаль 100 мэтаў у Расіі

Сілы абароны Украіны знясільваюць армію і эканоміку РФ.

Сілы абароны Украіны ў лістападзе выканалі 81 агнявое заданне сродкамі DeepStrike на тэрыторыі краіны-агрэсара РФ. Пра гэта 13 снежня ў Facebook паведаміў галоўнакамандуючы ЗСУ Аляксандр Сырскі.

Па яго словах, украінскія вайскоўцы працягваюць знішчаць расійскіх акупантаў, знясільваць армію РФ і яе эканоміку.

- Сродкамі DeepStrike за мінулы месяц выканана 81 агнявое заданне і паразена 98 мэтаў праціўніка на тэрыторыі Расіі. Працягваем працу, у прыватнасці, б'ём па нафтаперапрацоўчай галіне ворага, якая з'яўляецца асноўнай крыніцай фінансавання вайны, – напісаў Сырскі.

Ён распавёў, што ў лістападзе артылерыя сіл абароны паразіла больш за 4,1 тыс. аб'ектаў расіян, а ракетныя войскі – больш за 100.

- Нягледзячы на дэфіцыт ракет, захоўваем эфектыўнасць супрацьпаветранай абароны. Нарашчваем працу сістэм РЭБ для радыёэлектроннага прыкрыцця. Так, сродкамі РЭБ за месяц падаўлена 94 тыс. сродкаў паветранага нападу, з іх – 2,2 тыс. [ударных дронаў тыпу] Shahed, 7 тыс. «Маланак», – паведаміў Сырскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com