Нобелеўскі камітэт адрэагаваў на вызваленне Аляся Бяляцкага

Ён заклікаў улады Беларусі вызваліць усіх палітвязняў.

Нарвежскі Нобелеўскі камітэт выказаў «глыбокую палёгку і шчырую радасць» у сувязі з вызваленнем з палітычнага зняволення ў Беларусі лаўрэата Нобелеўскай прэміі міру, беларускага праваабаронцы Аляся Бяляцкага, паведамляе «Нямецкая хваля».

- Атрыманне Алесем Бяляцкім свабоды — гэта момант, які мы ад душы вітаем і якога мы доўга чакалі, - гаворыцца ў заяве Нобелеўскага камітэта, апублікаванай у суботу, 13 снежня.

Пры гэтым Нобелеўскі камітэт заклікаў беларускія ўлады вызваліць усіх палітвязняў у краіне.

- Нарвежскі Нобелеўскі камітэт заклікае беларускія ўлады вызваліць усіх палітвязняў і гарантаваць, што Алесь Бяляцкі і іншыя праваабаронцы могуць жыць і працаваць свабодна, без страху перад новым пераследам, - цытуе гэту заяву агенцтва Reuters.

Са свайго боку Алесь Бяляцкі, якога пасля вызвалення ў Беларусі даставілі ў Літву, заявіў, што «барацьба працягваецца».

«Наша барацьба працягваецца. Думаю, што Нобелеўская прэмія — гэта пэўнае прызнанне нашай працы, нашых надзей, якія яшчэ не прынеслі пладоў, таму барацьба працягваецца», - заявіў ён, выступаючы ў Вільнюсе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com