Алесь Бяляцкі: У маім выпадку муры турмы апынуліся «шкляныя»

Лаўрэат Нобелеўскай прэміі даў інтэрв'ю ў аэрапорце Вільнюса.

Вызвалены з калоніі праваабаронца, лаўрэат Нобелеўскай прэміі міру Алесь Бяляцкі сустрэўся ў Вільнюсе са сваёй жонкай Наталляй Пінчук. Відэа сустрэчы апублікавала «Радыё Свабода».

Наталля Пінчук прыляцела ў Вільнюс з Осла і упершыню за апошнія тры гады змагла ўбачыць свайго мужа. Сустрэча адбылася ў вільнюскім аэрапорце.

Алесь Бяляцкі распавёў журналістам, што пакуль яго везлі ў Літву, ён змог пагаварыць з жонкай па тэлефоне, які яму далі амерыканскія дыпламаты.

Наталля Пінчук кажа, што пра вызваленне мужа даведалася таксама ад дыпламатаў. На пытанне пра цяперашнія планы на жыццё, жанчына адказала так:

«Пакуль ніякіх. Я прывыкла жыць адным днём, дык, напэўна, гэтая звычка не хутка міне. Будзе дзень — будзе жыццё, убачым».

Алесь Бяляцкі распавёў, што падчас зняволення ў яго з жонкай месяцамі не было кантакту. За 2025 год яму перадалі ад яе толькі адзін ліст, а да Наталлі не дайшло ніводнага.

«У маім выпадку муры турмы апынуліся „шкляныя“ — заўсёды знаходзіліся людзі, не часта, але раз на некалькі месяцаў, якім я давяраў, якія звязваліся з маёй жонкай і распавядалі, якая ў мяне сітуацыя», — кажа Алесь.

Бяляцкі выказаў надзею, што вызваленне палітвязняў працягнецца.

Нагадаем, што ўчора Лукашэнка вызваліў 123 палітвязняў.

Сярод тых, хто выйшаў на волю — лаўрэат Нобелеўскай прэміі міру Алесь Бяляцкі, апазіцыйны палітык Павал Севярынец, праваабаронца Уладзімір Лабковіч і шэраг іншых вязняў сумлення.

Большасць памілаваных былі гвалтоўна вывезеныя на тэрыторыю Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com