Журналісты адшукалі збеглага з Сірыі дыктатара Асада

Ён жыве пад Масквой.

Звергнуты сірыйскі дыктатар Башар Асад жыве на Рублёўцы і зноў вывучае афтальмалогію. Аб гэтым піша брытанскае выданне The Guardian са спасылкай на некалькі крыніц у Расіі і Сірыі, уключаючы сябра сям’і былога дыктатара. Паводле звестак суразмоўцаў брытанскай газеты, Асад здолеў перавесці значную частку свайго капіталу ў Маскву і цяпер, меркавана, жыве на Рублёўцы.

«Ён жыве вельмі спакойным жыццём. У яго амаль няма кантактаў з вонкавым светам. Ён кантактуе толькі з некалькімі людзьмі, якія былі ў яго палацы, такімі як Мансур Аззам (былы міністр па справах прэзідэнта Сірыі) і Яссар Ібрагім (блізкі эканамічны саратнік Асада). Ён вывучае рускую мову і зноў асвяжае свае веды па афтальмалогіі. Гэта ягоная страсць, яму відавочна не патрэбныя грошы. Яшчэ да пачатку вайны ў Сірыі ён рэгулярна практыкаваў у Дамаску», — цытуе выданне сябра сям’і Асада.

Башар Асад уцёк з Дамаска разам з сынамі ў ноч на 8 снежня 2024 года, калі сірыйскія паўстанцы набліжаліся да сталіцы з поўначы і з поўдня. Іх сустрэў расійскі вайсковы эскорт і даставіў на авіябазу Хмеймім, адкуль сям’ю вывезлі за межы краіны. Раней пра ягонае жыццё ў Маскве пісала выданне Die Zeit.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com