Віктар Бабарыка не змог прама адказаць на пытанне, чый Крым

Экс-палітвязень заявіў, што для яго «немэтазгодна» адказваць на пытанне пра прыналежнасць паўвострава.

Экс-кіраўнік «Белгазпрамбанка» Віктар Бабарыка, вызвалены 13 снежня з турмы і вывезены ва Украіну, не змог канкрэтна адказаць на пытанне ўкраінскага блогера Уладзіміра Золкіна пра прыналежнасць Крыму.

Інтэрв'ю з экс-палітвязнем блогер апублікаваў на сваім YouTube-канале.

«Гэта наогул найскладанейшае пытанне (пра прыналежнасць Крыму. – Заўв.) Калі звяртацца да гісторыі, гэта наогул такая цемра, што я на гэтае пытанне не гатовы адказаць тое самае. Мой адказ 2020 года… Мяне за яго раскрытыкавалі, за няведанне гісторыі, таму я змоўк і сказаў: Не ведаю. <...> З юрыдычнага пункту гледжання, напэўна, Крым (калі там не скасаваныя дамовы, калі яго далучалі), то… так. У дэталях таксама буду ўнікаць адказу на прамое пытанне, таму што, ізноў жа, калі я скажу пра рэферэндум, то мне скажуць пра юрыдычную несапраўднасць гэтага рэферэндуму. <...> Я не гатовы гэта каментаваць у публічнай прасторы. Давайце зробім такі адказ», – сказаў Бабарыка.

Экс-банкір дадаў, што гэта яго ўнутраная пазіцыя (пра прыналежнасць паўвострава. – Заўв.). Ён паведаміў, што для яго цяпер немэтазгодна адказваць на гэтае пытанне наўпрост. Бабарыка таксама адзначыў, што ў гэтым пытанні на яго ніхто не цісне.

Таксама экс-банкір не змог адказаць на пытанне, хто на каго напаў, спаслаўшыся на недахоп інфармацыі адносна вайны РФ супраць Украіны.

Акрамя таго, Бабарыка заявіў, што не можа ўявіць сабе ваенны канфлікт паміж РФ і Беларуссю. Паводле яго слоў, прычын для канфлікту паміж краінамі няма.

Нагадаем, у маі 2020 года Віктар Бабарыка назваў Крым грэчаскім. «Ёсць такое папулярнае пытанне, чый Крым. Ёсць прыгожы адказ — грэчаскі», — адказаў экс-банкір на пытанне «Нашай Нівы» пра прыналежнасць паўвострава.

Заўважым, у верасні 2020 года былая кіраўніца перадвыбарчага штаба Марыя Калеснікава ў інтэрв'ю ўкраінскаму выданню Lb.ua заявіла, што згодная з афіцыйнай пазіцыяй рэжыму Лукашэнкі наконт прыналежнасці Крыму. «Думаю, што вы яе ведаеце. Дэ-факта Крым — гэта тэрыторыя Расіі, дэ-юрэ — гэта тэрыторыя Украіны», — сказала тады Калеснікава.

Віктар Бабарыка да мая 2020 года ўзначальваў «Белгазпрамбанк», беларускую даччыную структуру «Газпрамбанка», які, у сваю чаргу, належыць расійскаму «Газпраму». Сваю пасаду Бабарыка пакінуў пасля абвяшчэння пра намер узяць удзел у прэзідэнцкіх выбарах у Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com