Археолагі знайшлі ў Заслаўі «сакрэтны тунэль»

Сталі вядомыя падрабязнасці.

30 чэрвеня археолагі падчас раскопак знайшлі ўваход у лаз, які вядзе ў Заслаўскі замак. Цяпер высветлілася, для чаго ён прызначаўся. Усё вельмі банальна, але функцыянальна, піша «Зеркало».

- Мяркую, найперш гэта ліўневая каналізацыя. Магчыма, пры жаданні можна было выпаўзці праз той лаз падчас асады - скажам, ганца даслаць. Аднак галоўная функцыя, на маю думку, — менавіта каналізацыя. Іншых варыянтаў водаадводу з замкнёнай тэрыторыі замка ў роў папросту не было, - распавёў газеце «Культура» Іван Спірын, супрацоўнік Інстытута гісторыі НАН Беларусі.

На карысць гэтай версіі ёсць важны аргумент. Падземны ход вёў проста да брамы, якую вораг трымаў пад сталым назіраннем падчас аблогі. Калі б тунэль служыў сакрэтным «запасным выхадам», уваход у яго быў бы добра замаскаваны.

- Зрэшты, пакуль гэта гіпотэза, - адзначае Спірын. — Раскопкі яшчэ не скончаныя, таму хто ведае, ці не адкрыюцца нейкія новыя дэталі, якія могуць скарэктаваць наша разуменне? З іншага боку, ліўневая каналізацыя XVI стагоддзя - гэта, пагадзіцеся, таксама цікава. Дзе яшчэ ўбачыш у нас такі ўтылітарны аб'ект, ды настолькі добра захаваны?

«Вядома, што прыкладная даўжыня ходу складае 80 м, вышыня - амаль 1,2 м. Інфармацыі аб ім няшмат, аднак падземны ход унікальны і можа стаць даступным для турыстаў», - адзначала ў гутарцы з БЕЛТА начальніца галоўнай управы культуры Менскага аблвыканкама Ала Шахоцька.

Аднак, са слоў археолагаў, для турыстаў адкрываць лаз пакуль не плануюць. Нават калі такая ідэя будзе сур'ёзна разглядацца, спачатку правядуць даследаванні, ці бяспечна гэта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com