Такіх выклікаў Лукашэнку ніхто не кідаў

Мікалай Статкевіч натхніў беларусаў.

Галоўная рэдактарка сайта Charter97.org Наталля Радзіна у інтэрв'ю вядомаму журналісту Яўгену Кіселёву расказала, як лідар апазіцыі Мікалай Статкевіч натхніў беларусаў, адмовіўшыся пакідаць краіну пасля вызвалення 11 верасня:

— Адзіным палітвязнем, які адмовіўся і заявіў пра сваё законнае права заставацца на тэрыторыі Беларусі, быў Мікалай Статкевіч. Мы неаднаразова гаварылі пра яго ў нашых эфірах, і гэты чалавек паказаў прыклад сапраўднага лідарства, мужнасці і самаахвярнасці. Мы дагэтуль не ведаем, дзе знаходзіцца Мікалай Статкевіч, хаця мінула ўжо больш за тыдзень.

Спачатку з'явілася інфармацыя, што яго вярнулі ў калонію асаблівага рэжыму ў горадзе Глыбокім, дзе ён знаходзіўся дагэтуль. Гэта адна з самых страшных турмаў Беларусі. Мікалай Статкевіч прабыў там больш за пяць гадоў, і большую частку часу ён праводзіў у адзіночнай камеры. Умовы ў ёй жахлівыя, параўнальныя са сярэднявечнымі, бо ён знаходзіўся ў падвале манастыра XVIII стагоддзя, дзе страшэнная сырасць, падчас дажджоў у ягонай камеры была вада па шчыкалатку. За гэты час палітык тройчы перахварэў на кавід, у яго быў інфаркт. Пра ўсё гэта мы даведаліся ад іншых палітвязняў, якія змаглі з ім пабачыцца перад дэпартацыяй.

Наталля Радзіна адзначае, што рэжым баіцца Мікалая Статкевіча, і менавіта з гэтай прычыны дыктатар не можа дазволіць лідару апазіцыі заставацца на свабодзе:

— Для Лукашэнкі гэта сур'ёзная падзея, ніхто яму такіх выклікаў не кідаў. Так, у беларускай апазіцыі шмат мужных людзей, але тое, што зрабіў Мікалай Статкевіч, шакавала і самога Лукашэнку. Учынак Мікалая Віктаравіча натхніў як беларусаў унутры краіны, так і эміграцыю.

Рацынальна гэта ацэньваць немагчыма, трэба проста прыняць, што ёсць людзі, для якіх каштоўнасці свабоды, дэмакратыі, незалежнасці важнейшыя за жыццё. Мікалай Віктаравіч менавіта з такіх людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com