Крэмль маўчыць пра экалагічную катастрофу ў Туапсэ

«Нафтавыя дажджы» і таксічны смог не трапілі ў эфір федэральных тэлеканалаў.

Федэральныя тэлеканалы прамаўчалі пра экалагічную катастрофу ў Туапсэ. Расіянам не распавялі ні пра ўцечку нафтапрадуктаў у рэкі і Чорнае мора, ні пра выкіды таксічных рэчываў пасля пажараў на тэрмінале, ні пра «нафтавыя дажджы», што прывялі да масавай гібелі птушак, — піша «Можем объяснить». Замест гэтага ў праграмах «Вести недели», «Воскресное время» і «Итоги недели» абмяркоўвалі «зацішша» ў канфлікце ЗША і Ірана, страляніну ў Вашынгтоне, рэакцыю Кітая на санкцыі ЕС, а таксама становішча спраў на вайне ва Украіне.

У ток-шоў «Воскресный вечер с Владимиром Соловьевым» акцэнт быў зроблены на атаках беспілотнікаў, якія ўпершыню з пачатку вайны дасягнулі Екацярынбурга, і эвакуацыі прэзідэнта ЗША Дональда Трампа з-за замаху падчас вячэры з журналістамі, тады як катастрофа ў Туапсэ ў эфір не трапіла. Праграма «60 минут» Вольгі Скабеевай і Яўгена Папова была прысвечаная баявым дзеянням на Блізкім Усходзе, уключаючы сітуацыю ў Армузскім праліве. Таксама абмяркоўвалі санкцыйную палітыку Захаду і фінансавую дапамогу ЕС для Украіны.

На ток-шоу НТВ «Место встречи» таксама праігнаравалі экалагічнае бедства ў Туапсэ. Замест гэтага госці засяродзіліся на ваеннай стратэгіі Германіі, праблемах НАТА і ўнутраных эканамічных цяжкасцях, уключаючы рост даўгавой нагрузкі расіян і банкруцтваў сярод моладзі.

Надзвычайную сітуацыю ў Туапсэ дагэтуль ніяк не пракаментаваў і прэзідэнт Расіі Уладзімір Пуцін. Яго прэс-сакратар Дзмітрый Пяскоў на брыфінгах таксама ні разу пра гэта не згадаў.

У красавіку ўкраінскія беспілотнікі двойчы — 16-га і 20-га — атакавалі нафтавы тэрмінал у Туапсэ. У выніку на тэрыторыі аб’екта ўзніклі буйныя пажары. Цалкам патушыць тэрмінал удалося толькі пад вечар 24 красавіка. Пры гэтым смог ад пажару паспеў ахапіць амаль усё чарнаморскае ўзбярэжжа Расіі, у тым ліку Сочы і Анапу, а таксама дабраўся да Стаўрапаля і Армавіра.

У шэрагу раёнаў прайшоў «нафтавы дождж», а канцэнтрацыі бензолу, ксілолу і сажы ў паветры перавысілі норму ўдвая, паведамляў Роспотребнадзор. Мясцовыя жыхары паскардзіліся на цяжкі пах і праблемы з дыханнем. Пра пагрозу масавага атручвання расіян і рызыку развіцця анкалогіі з-за таксічнага дыму папярэдзіў адзін з распрацоўшчыкаў «Навічка», хімік Віл Мірзаянаў.

Акрамя таго, нафтапрадукты трапілі ў рэкі і Чорнае мора, дзе ўтварылася пляма плошчай 10 тысяч м². На пляжы Сочы знайшлі мёртвых дэльфінаў. Таксама была зафіксаваная гібель рыб. Эколаг Яўген Віцішка назваў тое, што адбываецца ў Краснадарскім краі, «найбуйнейшым экалагічным бедствам рэгіёна» за апошні час, якое будзе аказваць негатыўны ўплыў на мясцовае навакольнае асяроддзе на працягу некалькіх гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com