Успышка хантавіруса ў Еўропе: што вядома на дадзены момант

Спецыялісты назвалі адрозненні ад пачатку пандэміі COVID-19.

Некалькі дзён таму Сусветная арганізацыя аховы здароўя (СААЗ) паведаміла пра тое, што на борце круізнага лайнера MV Hondius заўважана ўспышка хантавіруса. На дадзены момант вядома пра восем выпадкаў захворвання на судне, трох людзей выратаваць не ўдалося. Вірус ужо выяўлены і ў пацыентаў у Еўропе.

Круізны лайнер адправіўся з Паўднёвай Амерыкі 1 красавіка. На борце знаходзіліся 147 чалавек, у тым ліку 88 пасажыраў з больш як 20 краін. Праз нейкі час аднаму з іх (грамадзяніну Нідэрландаў) стала блага, і пазней ён памёр. Затым памерла ягоная жонка, якую раней эвакуявалі ў ПАР. Пазней стала вядома пра смерць яшчэ аднаго пасажыра лайнера. Паводле даных СААЗ, у ўсіх траіх быў пацверджаны хантавірус.

Хантавірусы — гэта група небяспечных РНК-вірусаў сямейства Hantaviridae, пераносчыкамі якіх з’яўляюцца грызуны. У чалавека яны могуць выклікаць цяжкія захворванні, што паражаюць лёгкія і ныркі, у тым ліку хантавірусны лёгачны сіндром (ХЛС) і гемарагічную ліхаманку з нырачным сіндромам (ГЛНС).

Асноўны шлях заражэння — удыханне часцінак пылу, якія змяшчаюць вірус, што выдзяляецца з мачой, слінай і калам грызуноў.

Пераносчыкамі інфекцыі лічацца мышы, пацукі і іншыя дробныя грызуны. Найчасцей заражэнне адбываецца падчас прыбірання дач, хлявоў, амбараў і іншых памяшканняў, дзе маглі знаходзіцца жывёлы. Ад чалавека да чалавека вірус звычайна не перадаецца.

Сярод асноўных сімптомаў — раптоўнае падвышэнне тэмпературы, моцныя галаўныя і цягліцавыя болі, а таксама праблемы з дыханнем або працай нырак у залежнасці ад формы захворвання.

Пасля таго як стала вядома пра лятальныя вынікі захворвання, 40 пасажыраў лайнера сышлі на бераг на востраве Святой Алены, дзе судна спынілася па дарозе ў Каба-Вердэ. У цяперашні час вядзецца пошук іх месцазнаходжання.

Спецыялісты СААЗ прыйшлі да высновы, што хантавірус на борце нідэрландскага круізнага судна MV Hondius мог перадавацца вельмі рэдкім для гэтага віруса спосабам — ад чалавека да чалавека. Раней механізм перадачы хантавіруса ў круізе быў не зусім зразумелы.

Аднак эпідэміёлаг СААЗ па інфекцыйных захворваннях Марыя ван Керкхове падкрэсліла, што бягучую ўспышку не варта параўноўваць з пачаткам пандэміі COVID-19.

«Хачу быць максімальна яснай: гэта не SARS-CoV-2 і не пачатак пандэміі COVID. Гэта ўспышка, якую мы назіраем на караблі», — заявіла яна.

Паводле слоў ван Керкхове, хантавірус распаўсюджваецца інакш, чым каранавірусы, і патрабуе цеснага, непасрэднага кантакту для перадачы. Яна таксама адзначыла, што ўведзеныя на борце судна меры маюць прафілактычны характар і накіраваныя на прадухіленне далейшага распаўсюджвання інфекцыі.

Цяпер лайнер накіроўваецца ў Іспанію. Калі ў тых, хто застаўся на борце, не выяўзяць сімптомаў хваробы, іх пачнуць эвакуіраваць 11 мая.

Таксама з’явіліся звесткі аб тым, што хантавірус выяўлены ў Швейцарыі — у мужчыны, які якраз сышоў з таго самага круізнага лайнера. Прычым у хворага больш заразны варыянт хантавіруса — андэс. Як паведамляе агенцтва Reuters са спасылкай на ўрад Швейцарыі, мужчына праходзіць лячэнне ў бальніцы Цюрыха.

Першы выпадак заражэння хантавірусам зарэгістраваны і ў Ізраілі: пра гэта паведамілі ў газеце Maariv. Паводле выдання, мужчына заразіўся падчас паездкі ва Усходнюю Еўропу. Пры гэтым выяўлены ў яго штам віруса адрозніваецца ад таго, які раней выявілі ў пасажыраў круізнага лайнера MV Hondius. У Мінздароўі Ізраіля паведамілі, што стан пацыента ацэньваецца як стабільны. Ізаляцыя яму не патрэбная, аднак ён застаецца пад наглядам лекараў у медыцынскім цэнтры.

У Еўропе ўважліва сочаць за сітуацыяй і ўзмацняюць меры барацьбы з хантавірусам, але заяўляюць, што агульная рызыка заражэння насельніцтва застаецца нізкай.

«На дадзены момант няма падстаў для непакою. Рызыка для насельніцтва ў Еўропе, рызыка для еўрапейцаў, нізкая. Здароўе грамадзян у Еўропе — наш абсалютны прыярытэт, і гэта, безумоўна, датычыцца і гэтага выпадку», — адзначае прадстаўніца Еўракамісіі па ахове здароўя Ева Грнчырава.

Дапоўнена

Лайнер MV Hondius 10 мая прыбыў на Тэнэрыфэ, судна ўстала на якар у порце Гранадылья і будзе стаяць на максімальна бяспечнай адлегласці ад прычала. Пасажыраў будуць дастаўляць на бераг на невялікіх лодках, размеркоўваючы іх паводле грамадзянства.

Іспанскіх грамадзян даставяць у вайсковы шпіталь і размесцяць у спецыяльных палатах без доступу наведвальнікаў. Па прыбыцці ім правядуць ПЦР-тэст, а праз тыдзень яго паўтораць, паведамляе Мінздароўя Іспаніі. ЗША, Германія, Францыя, Бельгія, Ірландыя і Нідэрланды накіравалі самалёты для эвакуацыі сваіх суайчыннікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com