Беларуская школьніца зняла на відэа найрэдкага сусліка

Жывёлу заўважылі проста каля школы.

Нядаўна тэлеграм-канал «Дзікая прырода побач» атрымаў прыемную навіну ад настаўніцы з Затур’янскай школы Нясвіжскага раёна Таццяны Міхайлаўны Холопіцы.

У ваколіцах Затур’я знаходзіцца адна з трох апошніх калоній крапчатага сусліка. Гэты від знікае не толькі ў Беларусі, але і ў свеце.

Раней прыродаахоўнікі разам з Праграмай развіцця ААН зрабілі і павесілі стэнд пра сусліка ў дзвюх школах, якія суседнічаюць з гэтымі мілымі грызунамі. Вясной правялі брэйн-рынгі і фінал паміж школамі на веданне фактаў з біялогіі і гісторыі зверака.

І не дарма: сямікласніца Затур’янскай школы Карына Дэрве заўважыла крапчатага сусліка ля норы недалёка ад школы! Дзяўчынка зняла яго на фота і відэа.

Каб дабрацца да школы, сусліку давялося прайсці як мінімум 2 кіламетры ад бліжэйшай вядомай калоніі, скарыстаўшыся мостам праз рачку-канал: ваду гэтыя грызуны не любяць.

Хоць, магчыма, гэта «апошні магіканін» з іншай, знішчанай трактарамі, невялікай калоніі бліжэй да Затур’я яшчэ гадоў чатыры таму. Тую калонію перадалі пад ахову, але мясцовая інспекцыя за ёй не сачыла і не зберагла. Аднак і адтуль не менш за кіламетр да новай лакацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com