Кітайцы хочуць выпускаць электрамабілі ў Віцебску

Вытворчасць спецыяльнага транспарту могуць запусціць ужо ў наступным годзе.

У Віцебску рыхтуюць да запуску маштабны праект па вытворчасці электрамабіляў. Рэалізаваць яго плануюць з прыцягненнем кітайскіх інвестыцый. Адпаведны мемарандум аб намерах ужо падпісаны прадстаўнікамі адміністрацыі СЭЗ «Віцебск» і Суйфэньхэскай міжнароднай гандлёвай кампаніі «Ваньцай», паведаміла газета «Віцьбічы».

Новую вытворчасць плануюць размясціць на адной з пляцовак свабоднай эканамічнай зоны «Віцебск». Пакуль усё знаходзіцца на стадыі падрыхтоўкі і абмеркавання. Аднак кітайскі бок разглядае магчымасць перайсці да практычнай рэалізацыі праекта ўжо ў 2026 годзе.

Дакладныя аб’ёмы інвестыцый, колькасць будучых працоўных месцаў і іншыя падрабязнасці праекта пакуль не раскрываюцца. Вядома толькі, што новы завод будзе выпускаць электратранспарт спецыяльнага прызначэння — для прамысловасці, лагістыкі, камунальнай сферы і гэтак далей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com