Навукоўцы: харчаванне ў дзяцінстве можа назаўсёды змяніць працу мозгу

Шмат дзяцей цягне да фастфуду.

Калі малыя бачаць пярэстыя пачкі з чыпсамі і сухарыкамі, ім цяжка стрымацца ад жадання з'есці тлустую ежу з яскравым смакам. Кагосьці бацькі цалкам або часткова аберагаюць ад фастфуду, іншыя рэгулярна ядуць «шкоднасці». Аўтары новага даследавання захацелі прасачыць доўгатэрміновыя наступствы ад ужывання такой ежы, піша «Нож».

Ірландскія навукоўцы правялі эксперымент на лабараторных мышах. Грызуноў падзялілі на дзве групы: першыя з нараджэння харчаваліся збалансавана, астатніх дзіцянят пасадзілі на дыету з высокім утрыманнем тлушчу і цукру.

Вынікі паказалі: у жывёл з другой групы ў дарослым узросце назіраліся трывалыя змены ў харчовых паводзінах. Акрамя таго, у іх выявілі парушэнні ў працы гіпаталамуса — вобласці мозгу, якая адказвае за рэгуляцыю апетыту і энергетычнага балансу.

«Нашы вынікі паказваюць, што нашы харчовыя звычкі ў раннім узросце сапраўды маюць значэнне, — паведамляе доктарка Крысціна Куэста-Марці, першая аўтарка даследавання. — Ранняе далучэнне да пэўнага тыпу харчавання можа мець схаваныя доўгатэрміновыя наступствы для харчовых паводзінаў, якія не адразу праяўляюцца ў выглядзе павелічэння вагі».

Пры гэтым нельга сказаць, што змены цалкам незваротныя. Так, у дарослых мышэй, якія ўжывалі біфідабактэрыі (Bifidobacterium longum APC1472), нармалізаваліся харчовыя паводзіны і палепшыўся мікрабіём кішэчніка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com