Найбольш непатрэбная плошча Беларусі

Якая?

Мінчукі прапануюць варыянты рэканструкцыі Кастрычніцкай плошчы сталіцы. Дыскусію пра яе пачаў у Threads карыстальнік пад нікам strongbyus.

«Найбольш непатрэбная плошча Беларусі — Кастрычніцкая, найбольш непатрэбны і непрыгожы будынак — Палац Рэспублікі, — піша ён. — Падобны то на труну, то на маўзалей. Згодныя? На гэтай плошчы ніколі няма людзей. Амаль заўсёды пустая і непатрэбная. Як зрабіць яе цэнтрам прыцягнення, каб стала месцам адпачынку ў спякоту летам для жыхароў цэнтра і для турыстаў? Зносім Палац Рэспублікі. Робім парк або вялікі сквер з густымі дрэвамі. Больш зеляніны, цішыні ў цэнтры горада. Чыстае паветра».

Паказаць у Threads

Карыстальнікі прапанавалі свае варыянты рэканструкцыі. Сайт Charter97.org прыводзіць некаторыя каментары:

— Я б не зносіў будынак, але парк там сам напрошваецца. Гэта месца пустое, што ім каштуе зрабіць там кусты, дрэвы, газон, лаўкі і пару фантанчыкаў? Усё роўна там ніколі нікога няма, а так будзе прыемнае месца для адпачынку.

— У цэнтры горада — пустая, бязжыццёвая прастора. Нешта сярэдняе паміж фота з Паўночнай Карэі і могілкамі. Жудасна там знаходзіцца.

— Добрая ідэя. З боку вуліцы Інтэрнацыянальнай можна паспрабаваць аднавіць гістарычную забудову або хаця б Домініканскі манастыр на скрыжаванні Энгельса і Інтэрнацыянальнай, якія знеслі саветы ў 50-я.

— Трэба рабіць акцэнт на гістарычную рэнавацыю. Як у Польшчы, Венгрыі, Вялікабрытаніі рабілі. Рана ці позна інвестары ўсё адно пачнуць «лупіць» хмарачосы.

— А ты хіба не заўважыў, што плошчы ў Беларусі зусім нейкія «бяспантовыя»? На іх не хочацца заставацца. У мяне таксама ёсць пытанні да плошчы Незалежнасці. Там таксама ніколі няма людзей. Што сведчыць пра тое, што яна непрывабная для людзей. Узяць, напрыклад, нават плошчы ў Кіеве ці ў Піцеры. Яны быццам цэнтры прыцягнення. І ў Кіеве або Піцеры на плошчах кайфова знаходзіцца. Як у Еўропе.

— Гэта сапраўды праблема. Калі ў Беларусі з'явіцца дэмакратыя і мэры гарадоў стануць выбарнымі і незалежнымі, тады ўсё гэта пачне зрушацца з мёртвай кропкі. Для такіх рашэнняў патрэбныя мазгі і палітычная воля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com