«Суркоў напісаў Рагозіну: «Дзед звар'яцеў»»

Гісторык расказаў пра рэакцыю расійскіх чыноўнікаў на пачатак вайны.

Былы першы намеснік кіраўніка Адміністрацыі прэзідэнта Расіі Уладзіслаў Суркоў, які доўгі час быў куратарам угрупаванняў «ДНР» і «ЛНР», назваў расійскага дыктатара Уладзіміра Пуціна «звар'яцелым», калі той развязаў поўнамаштабную вайну супраць Украіны ў 2022 годзе.

Пра гэта ў эфіры YouTube-канала блогера Паўла Іванова распавёў расійскі гісторык, сталініст Яўген Спіцын, заўважыў «Дыялог».

Паводле слоў Спіцына, пра гэта ён даведаўся ад былога кіраўніка «Роскосмоса» Дзмітрыя Рагозіна, які атрымаў ад Суркова СМС з адпаведным зместам.

«І вось ён паказвае мне перапіску з Сурковым. Суркоў піша Рагозіну: «Дзед (ідзецца пра Пуціна — рэд.) звар'яцеў», — расказаў ён.

На ўдакладняльнае пытанне Іванова, калі менавіта адбылася гэта перапіска, Спіцын заявіў, што ў 2022 годзе, а таксама адзначыў, што гэтай пазіцыі прытрымліваецца далёка не толькі Суркоў сярод прадстаўнікоў расійскіх уладных эліт, лічачы рашэнне пачаць вайну фатальнай памылкай.

«Зразумела, каго ён меў на ўвазе пад дзедам — Пуціна. Дзед звар'яцеў. Вось такое разуменне таго, што адбылося ў 2022 годзе, вы думаеце, толькі ў галаве ў Суркова? Не. Я думаю, што ў значнай часткі чыноўнікаў, якія сядзяць у тым ліку і ў самых высокіх кабінетах», — дадаў ён.

Паводле слоў Спіцына, розніца паміж Сурковым і гэтымі чыноўнікамі толькі ў тым, што першы зрабіў «фальстарт», таму, магчыма, ужо знаходзіцца па-за межамі Расіі, а тыя занялі вычакальную пазіцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com