Мільёны ўладальнікаў IPhone маюць права атрымаць $100 ад Apple

Пры адной умове.

Apple пагадзілася выплаціць 250 мільёнаў даляраў для ўрэгулявання калектыўнага іску ў ЗША. Гэта азначае, што мільёны ўладальнікаў iPhone будуць мець права на атрыманне да $95 ад тэхналагічнага гіганта, але пры адной умове, перадае The Independent.

Пазоў падалі пасля прэзентацыі Apple Intelligence на канферэнцыі WWDC 2024. Тады карпарацыя актыўна рэкламавала абноўленую Siri з пашыранымі магчымасцямі штучнага інтэлекту і заяўляла, што функцыі з'явяцца разам з iPhone 16. Але частка магчымасцяў так і не стала даступнай да выхаду прылад.

Пазоўнікі сцвярджаюць, што Apple ўводзіла пакупнікоў у зман, прасоўваючы функцыі, якіх «не існавала на той момант і не існуе цяпер». Больш за тое, кампанія пайшла на гэта, загадзя ведаючы, што не паспее завяршыць абяцаныя функцыі ШІ да выхаду новай флагманскай лінейкі.

Пад дзеянне пагаднення падпадаюць жыхары ЗША, якія набылі iPhone 15 Pro, 15 Pro Max і iPhone 16 у перыяд з 10 чэрвеня 2024 года па 29 сакавіка 2025 года. Па ацэнках суда, гаворка ідзе прыблізна пра 36–37 мільёнаў прылад. Памер выплаты складзе мінімум 25 даляраў за прыладу, аднак сума можа павялічыцца да 95 даляраў — усё будзе залежаць ад колькасці пададзеных заяў.

У самой кампаніі віну не прызнаюць і кажуць, што ідуць на ўступкі толькі дзеля таго, каб не траціць час на суды і «сканцэнтравацца на стварэнні самых інавацыйных прадуктаў і сэрвісаў».

Крыніцы Bloomberg даведаліся, што Apple рыхтуе буйное абнаўленне Siri ў iOS 27 — кампанія плануе ператварыць яе ў паўнавартаснага чат-бота ШІ, які зможа замяніць ChatGPT на iPhone і іншых прыладах.

Карыстальнікі змогуць размаўляць з Siri у дыялагавым стылі як голасам, так і тэкстам, а працаваць чат-бот будзе на ўласнай мадэлі ШІ, пабудаванай на базе Gemini. Гэта павінна стаць галоўнай навінкай iOS 27, iPadOS 27 і macOS 27.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com