У Магілёве на вайсковыя зборы адправілі васьмікласнікаў

Па ўсёй краіне гэта абавязкова толькі для вучняў 10-х класаў.

Абавязковыя дзесяцідзённыя вучэбна-палявыя зборы з гэтага года ўведзены ў Беларусі для вучняў 10-х класаў. Аднак у Магілёве вырашылі гэтым не абмяжоўвацца і адправілі на зборы на базе 188-й гвардзейскай інжынернай брыгады ў вёсцы Пашкава васьмікласнікаў Магілёўскага абласнога кадэцкага вучылішча, паведамляе «Белсат».

«Мэтай збораў стала замацаванне на практыцы ведаў, атрыманых цягам навучальнага года, і пагружэнне кадэтаў у атмасферу рэальнай армійскай службы. Праграма збораў была максімальна насычанай і змяшчала асноўныя элементы баявой падрыхтоўкі», – распавядаецца на Instagram-старонцы вучылішча.

Зборы праходзілі з 1 па 5 чэрвеня. Для дзяцей была арганізаваная стральба з аўтамата Калашнікава АК-74 у поўнай баявой амуніцыі. Таксама вучням трэба было здаваць нарматывы па надзяванні сродкаў радыяцыйнай, хімічнай і біялагічнай абароны і вывучаць алгарытмы дзеянняў ва ўмовах прымянення зброі масавага паражэння. Падлеткі фактычна беглі крос у сродках РХБА.

Вучэбна-палявыя зборы для 10-класнікаў праходзілі ў Беларусі з 26 мая па 4 чэрвеня. Сёлета іх падоўжылі да 10 дзён і зрабілі кругласутачнымі і абавязковымі - без удзелу ў іх вучня могуць не перавесці ў 11-ы клас.

«На нашу думку, тое, як адбываецца мілітарызацыя дзяцей і ў якім выглядзе яна праводзіцца, безумоўна, можа мець дачыненне да магчымых канфліктаў у будучыні, калі да не вельмі вялікага беларускага войска можна будзе далучыць моладзь», – казаў прадстаўнік BELPOL у каментары «Белсату».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com