Лукашэнка праз суткі пракаментаваў атаку на аўтобус з беларускімі дзецьмі

Кіраўнік заявіў, што «яму патрэбна ісціна».

Лукашэнка пасля амаль суткавай паўзы пракаментаваў атаку дрона на аўтобус з беларускімі дзецьмі на Браншчыне. Дакладнага вінаватага трагедыі ён не назваў.

«Калі хто-небудзь нас правакуе і спрабуе ўцягнуць у вайну, думаю, што гэта дрэнна скончыцца для тых, хто спрабуе гэта зрабіць», — цытуе Лукашэнку тэлеграм-канал, блізкі да яго прэс-службы.

«Мы паводзім сябе спакойна. Кагосьці не задавальняе, што Беларусь — спакойная дзяржава, таму гэта ўсё і адбываецца. Мы чуем заявы, апраўданні, розныя версіі. Але нам патрэбна ісціна», — падкрэсліў ён.

«І мы чакаем гэтай ісціны або рэальнага, справядлівага, сумленнага адказу ад украінскіх дзяржаўных служачых і вайскоўцаў, і людзей. Мы ўсё адно ўсталюем гэтую праўду, гэта не будзе вялікай праблемай», — дадаў Лукашэнка.

«Мы не спяшаемся рабіць нейкія высновы, але дакладна канстатуем факт, што гэта беспілотнік украінскага паходжання. Гэта украінскі беспілотнік», — заявіў ён. Лукашэнка паведаміў, што ўкраінскі бок адказаў на прэтэнзіі, заявіўшы, што такія беспілотнікі могуць набываць розныя асобы.

Заўважым, шэраг экспертаў лічыць, што ўдар па аўтобусе — расійская правакацыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com