Украіна за суткі запусціла па Расіі амаль тысячу дронаў

Гэта рэкорд вайны.

Міністэрства абароны Расіі паведаміла, што за суткі сілы супрацьпаветранай абароны збілі 992 украінскія беспілотнікі самалётнага тыпу, чатыры крылатыя ракеты вялікай далёкасці і дзесяць кіраваных авіябомбаў. Гэты ўдар не толькі пабіў папярэдні ўкраінскі рэкорд па колькасці выкарыстаных за суткі дронаў, але і перавысіў максімальную колькасць БПЛА, якую за суткі запускала Расія, піша «Агентство».

Міністэрства абароны Расіі паведамляе толькі пра збітыя беспілотнікі, што дазваляе меркаваць, што насамрэч дронаў было больш.

Папярэдні рэкордны ўдар Украіны быў зафіксаваны 6 чэрвеня. Тады Міністэрства абароны Расіі паведамляла пра знішчэнне 911 дронаў, 13 авіябомбаў і чатырох снарадаў HIMARS.

Найбуйнейшы за вайну расійскі ўдар па Украіне адбыўся 24 сакавіка. Тады за суткі сумарна Расія атакавала Украіну 948 дронамі.

Гэтыя лічбы дэманструюць растучыя магчымасці Украіны. У першыя гады вайны ЗСУ не маглі параўнацца з расійскай арміяй па інтэнсіўнасці удараў углыб тэрыторыі.

Пералом адбыўся ў гэтым годзе. У сакавіку колькасць дронаў, выкарыстаных Украінай, паводле вынікаў месяца, перавысіла колькасць БПЛА, запушчаных Расіяй.

Тады, паводле даных украінскага маніторынгавага канала «Око Гора», Расія запусціла 6462 БПЛА па Украіне. ЗСУ ж у сакавіку, паводле даных Міністэрства абароны Расіі, атакавалі Расію 7551 БПЛА.

У красавіку Расія запусціла больш дронаў, чым Украіна (6583 і 4801 адпаведна). Аднак у маі ўкраінскія вайскоўцы зноў перавысілі колькасць дронаў, запушчаных Расіяй (8973 і 8150 адпаведна).

Уладзімір Зяленскі назваў масіраваны ўдар па Маскве 18 чэрвеня «справядлівым адказам» на расійскія атакі.

Паводле яго слоў, Украіна не будзе «ціхенька сядзець», калі Расія працягне вайну: «Калі будзе гарэць Украіна, будзе гарэць і ваша Масква».

За некалькі гадзін да гэтага адбылася найбуйнейшая з пачатку вайны атака дронаў на Маскву. Украінскія беспілотнікі і іх абломкі пашкодзілі аб’екты як мінімум у 10 месцах сталічнага рэгіёну, пра што сведчаць заявы ўладаў і відэа, апублікаваныя ў сацсетках.

Удары дронаў па Маскоўскім НПЗ у Капотні, які стаў галоўнай мішэнню налёту, прывялі да пажараў як мінімум у шасці месцах на тэрыторыі прадпрыемства, у тым ліку на асноўнай устаноўцы па перапрацоўцы нафты, сведчыць аналіз «Агентства».

Уладзімір Пуцін зранку выступае на саміце АСЕАН у Казані, але так і не пракаментаваў украінскія ўдары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com