Зяленскі яшчэ раз папярэдзіў Лукашэнку

Мінск павінен прыбраць рэтранслятары для расійскіх дронаў.

Беларусі варта рабіць крокі, якія пакажуць Украіне, што яна сапраўды выступае супраць вайны.

Пра гэта прэзідэнт Уладзімір Зяленскі заявіў у вячэрнім звароце ў суботу.

Прэзідэнт нагадаў, што ўздоўж украінскай мяжы на тэрыторыі Беларусі ўсталявана спецыяльнае абсталяванне, якое дапамагае расіянам наносіць удары дронамі па ўкраінскай тэрыторыі.

«Мы ва Украіне ведаем пра чатыры такія рэтранслятары ў Беларусі — менавіта ў Гомельскай і Брэсцкай абласцях. Дзякуючы такому абсталяванню наносіліся ўдары па Жытомірскай, Ровенскай, Валынскай абласцях, па нашай энергетыцы, па нашай чыгунцы — па звычайных гарадах, па нашых вёсках. У Беларусі ёсць час, каб дэмантаваць гэта абсталяванне», — сказаў Зяленскі.

Акрамя таго, дадаў Зяленскі, Украіна ведае пра кожны завод у Беларусі, які працуе на Расію і на яе вайну.

«Кожнае прадпрыемства, што пастаўляе кампаненты для расійскай зброі — для бранятэхнікі, для ракетных сістэм, — а таксама прадпрыемства, якое пастаўляе Расіі паліва для вайны, — усё гэта ўцягвае Беларусь у вайну. Украіна гэтага не хоча, і мы папярэдзілі фактычнае кіраўніцтва Беларусі, якое ўплывае на адпаведныя падзеі. У цэлым толькі за студзень — май пастаўкі бензіну з Беларусі ў Расію павялічыліся ў 13 разоў у параўнанні з аналагічным перыядам мінулага года, а дызельнага паліва — у тры разы», — адзначыў кіраўнік дзяржавы.

Ён дадаў, што гэта дапамагае Расіі прыстасоўвацца да ціску і не набліжае мір, у той час як павінна быць наадварот.

«Мір павінен набліжацца, і Беларусі варта рабіць тое, пра што кажа яе фактычнае кіраўніцтва неафіцыйнымі каналамі, каб мы ва Украіне сапраўды бачылі, што Беларусь сапраўды супраць гэтай вайны. Гэтую вайну трэба заканчваць. Патрэбны мір», — сказаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com