Германія перакідвае да мяжы з Беларуссю 5000 вайскоўцаў

Падрыхтоўка неабходнай інфраструктуры ў Літве прасоўваецца з апярэджаннем графіка.

Берлін працягвае ўмацоўваць усходні фланг НАТА, перакідваючы сваіх вайскоўцаў у Літву. Паводле інфармацыі выдання Bild, да канца 2027 года тут плануецца на пастаяннай аснове размясціць каля 5000 службоўцаў Бундэсвера. Усе яны ўвойдуць у склад 45-й танкавай брыгады. Частка кантынгенту — каля 1800 салдат — ужо дыслакаваная ў краіне і ў чэрвені бярэ ўдзел у манёўрах «Freedom Shield» на палігоне Пабраде, размешчаным усяго за 20 кіламетраў ад мяжы з Беларуссю.

Падрыхтоўка неабходнай інфраструктуры прасоўваецца з апярэджаннем графіка. Кіраўнік літоўскага абароннага ведамства Робертас Каунас у інтэрв’ю WELT адзначыў, што першы этап будаўнічых прац апярэджвае намечаны план на дзесяць месяцаў.

«Мы можам зыходзіць з таго, што Германія і Літва ў любым выпадку будуць гатовыя да канца 2027 года, калі не раней. Брыгада будзе цалкам абсталяваная і гатовая», — падкрэсліў Каунас.

Для нямецкіх вайскоўцаў і іхніх сем’яў у Літве ўзводзяць не толькі вайсковыя аб’екты, але і грамадзянскія: жылыя дамы, медыцынскія цэнтры, школы і дзіцячыя сады. Міністр назваў гэты праект «вяхой для нямецка-літоўскіх адносін», якая адыгрывае ключавую ролю ў стрымліванні на ўсходніх рубяжах альянсу. У самым Бундэсвэры размяшчэнне 45-й брыгады называюць гістарычнай падзеяй, бо з часоў Другой сусветнай вайны нямецкія войскі яшчэ ніколі не базаваліся за мяжой на пастаяннай аснове.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com