Кулеба: З Зяленскім у мяне было адно разыходжанне — Беларусь

Экс-кіраўнік МЗС Украіны лічыць, што доўгі час стратэгіяй Кіева было «сяброўства з Лукашэнкам».

Экс-кіраўнік Міністэрства замежных спраў Украіны Дмітро Кулеба распавёў пра рознагалоссі з прэзідэнтам краіны Уладзімірам Зяленскім, якія тычыліся адносінаў з Беларуссю.

«За ўвесь час працы ў МЗС Украіны ў мяне было адно сістэмнае разыходжанне ў поглядах з прэзідэнтам — яно называлася Беларусь. Я выступаў за больш жорсткую лінію, бо, на маю думку, усё добрае, што Лукашэнка рабіў для Украіны да 2022 года, не было вынікам нашай палітыкі. «Мы табе не робім дрэннага, а ты нам робіш нешта добрае». Не, гэта былі яго манеўры, у якіх ён кіраваўся сваімі інтарэсамі.

, — распавёў Кулеба ў інтэрв'ю журналісту Аляксандру Нотэўскаму.

Зяленскі, паводле слоў украінскага дыпламата, выступаў за «збалансаваную палітыку»:

— Таму ў 2020 годзе мы не прызналі Лукашэнку «прэзідэнтам», але не далучыліся да санкцый Еўрапейскага саюза.

Экс-кіраўнік МЗС Украіны намякае, што за такой пазіцыяй Зяленскага стаяў тагачасны кіраўнік яго офіса Андрэй Ермак:

— Кардынальнае змяненне пазіцыі прэзідэнта Украіны па Беларусі супала ў часе з сыходам кіраўніка яго офіса. Гэта можна паглядзець паводле храналогіі. Можаце нават спытаць CharGPT.

Дмітро Кулеба лічыць, што ўвесь гэты час стратэгіяй Украіны ў дачыненні да Беларусі было «сябраваць з Лукашэнкам»:

— У знешняй палітыцы, калі на нейкім напрамку пачынае дамінаваць ідэя: «Нічога не трэба, я цяпер з Колем пагавару, а ён папе скажа»... Усё заканчваецца дрэнна, бо гэта так не працуе.

Экс-кіраўнік украінскай дыпламатыі не ўдакладніў, хто менавіта выступаў з прапановамі «пагаварыць з Мікалаем Лукашэнкам», але ў сакавіку 2022 года сам дыктатар распавядаў, як на яго сына выйшаў украінскі дэпутат Яўген Шаўчэнка. Ён нібыта арганізаваў размову Лукашэнкі і Зяленскага на пачатку вайны.

14 лістапада 2024 года Шаўчэнка быў затрыманы. Дзяржаўнае бюро расследаванняў (ДБР) і Служба бяспекі Украіны (СБУ) інкрымінуюць яму дзяржаўную здраду, калабарацыйную дзейнасць і махлярства.Следства абвінавачвае яго ў сістэматычным распаўсюджанні антызаходняй прапаганды, сувязях з пасольствам Беларусі і дыскрэдытацыі дзяржаўнага кіравання Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com