Добрыя навіны з фронту: для Украіны пачынаецца тактычны пералом
1- 3.06.2026, 15:26
- 1,814
Расія праваліла зімовую і вясновую кампаніі.
Камандзір Трэцяга армійскага корпуса ЗСУ Андрэй Білецкі ў інтэрв’ю ТСН заявіў, што Расія праваліла зімовую кампанію і цалкам праваліла вясновую.
Паводле яго слоў, у маі расійская армія здолела захапіць каля 10 кв. км тэрыторыі, у той час як агульны вынік Украіны за месяц можа аказацца вышэйшы.
Білецкі лічыць, што на тактычным і аператыўным узроўні ўжо пачынаецца пералом. Ён назваў дзве галоўныя прычыны.
Першая: у Расіі ўсё мацней адчуваецца нястача жывой сілы. Паводле яго слоў, пра былыя «мясныя хвалі», якія яшчэ 7–8 месяцаў таму былі нормай, цяпер не ідзе гаворка нават на найцяжэйшых ўчастках фронту.
Другая прычына: перавага Украіны ў паветры. Білецкі заявіў, што ўкраінскія беспілотнікі паступова бяруць пад кантроль глыбіню да 200 км ад лініі фронту. Паводле яго слоў, гэта разумеюць нават палонныя расійскія афіцэры: «Цяпер неба за намі».
Камандзір Трэцяга корпуса прагназуе, што калі тэндэнцыя захаваецца, праз 6–7 месяцаў на фронце стане відавочна: Расія тактычна прайграе вайну на зямлі. У корпусе велізарная колькасць вайскоўцаў — амаль 40 тысяч, да таго ж Трэцяя штурмавая — гэта самы вялікі арганізм Трэцяга армійскага корпуса. Фактычна гэта ўжо не брыгада, а дывізія паводле многіх колькасных паказчыкаў.
Асобна Білецкі адзначыў эфектыўнасць барацьбы з беспілотнікамі. Паводле яго слоў, у зоне адказнасці Трэцяга корпуса з 50 расійскіх «Шахедаў» за суткі знішчылі 45 — яны нават не прайшлі лінію фронту.
Ён таксама падкрэсліў, што Расія не кантралюе Луганскую вобласць поўнасцю. Апошні ўчастак Луганшчыны ўкраінскія сілы ўтрымліваюць ужо два гады, і гэты кантроль, паводле слоў Білецкага, толькі пашырыўся.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
